Gömul færsla

Já góðan dag og gleðilega páska allir saman (betra seint en aldrei)  

Við fórum í bústaðinn til mömmu og pabba á föstudaginn langa og komum heim í gærkvöldi.  Höfðum það súper gott í "hinni" sveitinni og það var nú legið í leti í orðsins fyllstu.  Stebbi "þurfti" nú að skreppa inn að Smyrlabjörg í Suðursveit til að ná í bíl á Páskadag.  Annars var lítið annað gert en að liggja uppi í sófa, borða, drekka, spila Trivial og Kasínu og bara ..... já borða   og páskaeggin runnu ljúflega ofan í alla viðstadda. 

Annars er einhver bilun búin að vera hér á þessari síðu.  Allt í einu poppaði upp eldgömul færsla á forsíðunni og allar hinar virtust bara dottnar út.  Furðulegar þessar tölvur verð ég að segja.

Annars hef ég frá litlu að segja í dag.  Ég fer á miðvikudaginn að láta taka saumana úr mér og vonandi skrifar hann mig á annan dag til að reyna að ljúka við aðgerðina.  Svo á fimmtudag fer ég til Óskars krabbameinslæknis í eftirlit og blóðprufur og svoleiðis. 

Læt heyra frá mér eftir þetta allt saman.  Þangað til næst.  Yfir og út!!

Misheppnuð aðgerð...

Já ég segi misheppnuð aðgerð því aðgerðin tókst ekki sem skildi   Jú læknirinn gat borað gatið í beinið í nefinu en hann náði ekki að koma glerstubbinum fyrir og rörinu eins og til stóð því það blæddi víst svo mikið.  AAAARRRRRGGGHHHH!!!  Ég var bara að vonast til að þetta myndi heppnast og ég myndi lifa hamingjusöm til æviloka.   En lífið er bara ekki svo einfalt skilst mér þannig að ég verð að bíta í það súra epli að þurfa að koma aftur eftir mánuð eða svo til að reyna aftur.  Þá þarf reyndar bara staðdeyfingu og þá ætti hann að geta sett glerstubbinn inn og tengt rörið.  Því stærsta vinnan er búin, þ.e. að bora gat í nefið þar sem glerstubburinn á að koma og tengja saman vefi og svoleiðis fínvinna.... þannig að næsta mál er bara pís of keik.  Er þakki!?  Hvar er Pollíanna núna, haaaa???

En ég er sem sagt komin heim og mér líður vel að öðru leyti.  Þarf að taka því rólega næstu daga, það hefur aðeins blætt úr nefinu á mér... aðallega ef ég er mikið að beygja mig og svoleiðis.  Þannig að það er best að vera þá bara ekkert að beygja sig....    liggja bara uppi í rúmi með tærnar upp í loft og horfa á úrelda Melrose place þætti á skjá 1 sem eru nú sýndir 2x á dag (já mín er búin að horfa slatta á imbann síðustu 2 daga með sjónvarp beint fyrir ofan rúmið á deildinni).   Ég þurfti nú að bíða í 4 tíma uppi í rúmi eftir að vera keyrð á skurðstofuna.  Þá voru víst 2 á undan mér og það mixaðist eitthvað í bókuninni þannig að ég varð bara að bíða róleg.... FASTANDI í þokkabót.  Ekki alveg mitt svið  en þetta hafðist nú allt saman.  Ég er sem sagt verkjalaus núna og þarf því ekki að bryðja nein verkjalyf   en er hins vegar með glóðarauga og 4 spor saumuð niður með nefinu.  Pabbi sagði nú bara að það væri bara eins og ég væri að koma heim af balli og hafi lent í smá slagsmálum... já það er  eins og ég hafi hreinlega verið sleginn með brotinni flösku í andlitið  og ég læt fylgja með mynd af mér eins og ég lít út í dag.  Glæsileg ekki satt!?

Yfir og út

Aðgerð á morgun

Reykjavík ó  Reykjavík þú yndisfagra borg    Nú er ég stödd hjá Guðrúnu syss og fjölskyldu í Reykjavík og búin að hitta augnlækni, svæfingarlækni og skurðlækni.... og tók þetta nú tímana 3.  Ég byrjaði á því að hitta augnlækni sem er nú þýsk kona og talar varla stakt orð í íslensku.  Spurði mig strax hvort hún mætti tala smá ensku.  Jú ég hélt það nú.  Allavega betra en þýskan og bjagaða Íslenskan sem skilst varla.  En jæja hún skoðaði mig í bak og fyrir, ætlaði mig gjörsamlega að drepa þegar hún lýsti þvílíkt upp í augun á mér og sagði mér að horfa í ljósið í þokkabót.  Þetta var nú bara þvílíkt sársaukafullt að ég þurfti að hörfa undan og táraðist þetta litla.   Hún ætlaði sem sagt að skoða á bak við augnbotnana... já já gerðu það bara þegar búið er að svæfa mig   En ég var þarna í einn og hálfan tíma.  Fór þá yfir á Hringbrautina að hitta svæfingalækninn.  Þurfti nú að bíða eftir henni í klukkutíma.  Hefði allt eins getað sleppt því.  Hún lét mig skrifa undir eitthvað samþykki og ég tölti svo aftur yfir á Eiríksgötuna (augnlæknastofuna).  Hitti aftur þessa þýsku og hún reif nú bara blaðið sem ég hafði skrifað undir hjá svæf.lækn. og bað mig að skrifa undir annað sem hún var búin að fylla út sem hin fattað ekki að væri með í bunkanum.  Svei mér þá.... þetta lið!!   En þá loksins hitti ég Harald skurðlækninn og hann sagði mér að ég þyrfti að liggja inni í  ca sólarhring og það gæti blætt verulega úr nefinu á mér eftir þetta.

En aðgerðin  verður sem sagt gerð á morgun.  Það á fyrst að gera vinstra megin og það voru nett vonbrygði þegar mér var tilkynnt að aðeins væri gert öðru megin í einu.  Ohh.  Gat nú verið.  En jæja það verður  að hafa það.  Vona bara að þetta lagi lekann því ég nenni hreinlega ekki að leka lengur.  Er orðin hreinlega dauðþreytt á því.

Takk fyrir og við heyrumst þegar þetta er búið allt saman.  See ya...  Ó borg mín borg.....!!!

Dagur 7.

Jæja mér gengur bara vel á þessu breytta mataræði.  Er ekkert neitt svakalega svöng inn á milli en ég viðurkenni að stundum kemur upp sú hugsun hjá mér þegar kemur að máltíð að ég nenni ekki að finna mér neitt til að  borða.  Hugmyndaflugið er ekki upp á marga fiska þannig að það vill verða pínu einhæft hjá mér mataræðið.  Þá gríp ég kannski epli eða annan ávöxt eða hnetur...  bara takmarkað hvað mig langar í það.  Ég horfði inn í matarbúrið mitt í gær og sá súkkulaði og fleira gotterí og hugsaði hvað það væri nú gott að fá sér einn mola   en fékk mér EKKI!!!  Mér finnst auðveldara að standast freistingarnar núna en oft áður.  Ég var meira að segja búin að ákveða að hafa smá nammidag í dag en ég tými því varla.    Skrítið ekki satt?!  Kannski út af því að ég fann hvað var orðin mikil þörf hjá mér að taka til "inni í mér" 

Einu fráhvörfin sem ég hef fundið fyrir er hausverkur part úr degi og svo ekki söguna meir.  Ég vona bara innilega að mér muni ganga þetta vel næstu vikurnar.  En eftir 3 daga má ég fara að borða rautt kjöt aftur og fá mér kaffisopa þannig að þetta verður nú bara pís of keik  

Ég mæli eindregið með því við ykkur þarna úti sem líður illa í maganum, meltingin í einhverju fokki eða harðlífið að drepa ykkur að prufa að taka út hvítt hveiti, ger og allan sykur og sætuefni.  Ykkur mun líða svoooo miklu betur.  Í staðinn fyrir hvíta hveitið getið þið notað heilhveiti, spelt eða rúgmjöl t.d. og í staðinn fyrir hvítan sykur notiði Agave-sýróp sem er mun hollara og fæst í Heilsuhúsinu.  Nú svo getið þið notað vínsteins-lyftiduft í stað gersins og ég læt hér fylgja uppskrift að pizzabotni sem er svo auðveldur að maður er búinn að gera hann áður en maður byrjar. 

Spelt-pizzabotn

• 250 gr. fínt spelt
• 3 tsk. vínsteins lyftiduft
• 1 tsk. herbamare jurtasalt
• 2 msk. ólívu olía
• 125 ml. volgt vatn

Allt hráefnið sett í skál og hnoðað saman (ekki of lengi þá verður deigið seigt).  Flatt svo út og forbakað í 3 mín. við 200°c og síðan setjiði það sem ykkur lystir á botninn og bakið áfram í 10 - 12 mín. og njótið.  Ef þið eruð ekki tilbúin með það sem á að fara á pizzuna þegar hún hefur forbakast í þessar 3 mín.  leggið þá blautt vizkustykki yfir botninn svo að hann verði nú ekki að hrökkbrauði.

Þessa einföldu uppskrift er líka hægt að nota sem brauð með súpu t.d. og um daginn gerði ég nokkur lítil brauð sem ég smurði svo með hvítlauksolíu og bakaði aðeins skemur.  Rosalega gott. 

Dagur 3 - punktur!

Jæja þá er ég búin að ferma    heh!!

Þá er þriðja - deginum að ljúka hjá mér á hreinsikúrnum og gengur svona ljómandi vel.  Ég hef reyndar setið á dollunni megnið af tímanum...   nei nei.  Ég fer svo sem ekki nánar út í lýsingar hér en við skulum segja að þetta gangi brilljant vel.  Ég borða núna bara meira af ávöxtum og grænmeti.  Kjúkling í hádeginu og kartöflur.  Speltbrauð í kaffinu og ávöxt.  Nú svo eitthvað létt á kvöldin svona... agalega gott alveg.  Sykurlöngunin er barasta engin hjá mér (ennþá ) og ég skutla í mig lúku af hnetum inn á milli og þurrkuðum ávöxtum aðeins líka.  Háma í mig appelsínu í þessum töluðu orðum. 

Ég var reyndar með mikinn hausverk í dag eftir vinnu.  Gat lagt mig í heila 2 tíma og þá lagaðist ég.  Spurning hvort koffeinið sé að kalla eða hvað.  Nú eru 3 dagar komnir án nokkurs koffeins en svo skrítið sem það er að mig langar ekkert í það.  Fæ mér bara te eða vatn og smá ávaxtasafa af og til þá er deginum reddað.

Læt heyra meira frá mér fljótlega.  Adios mi amigos

Sorry hef aðeins gleymt mér hérna.  Aðgerðinni var frestað hjá mér um a.m.k. viku.  Fer sem sagt að tala við svæfingarlækninn og skurðlækninn á mánudaginn næsta og svo kemur í ljós í framhaldinu hvort ég fari strax daginn eftir í aðgerðina eða þriðjudaginn eftir páska.

Fljótt að líða

Dóttir mín verður fermd áður en ég veit af   Hún er að verða 5 ára svkísan.  Ég trúi þessu bara varla.  Ég keyrði hana í afmæli áðan hjá einni sem er með henni á deild í leikskólanum.  Það er sem sagt fyrsta afmælið sem hún fer ein í... eða án okkar foreldranna þ.e.a.s.  Mér fannst nú hálf skrítið að skilja hana bara eftir og sækja hana svo aftur eftir nokkra tíma.  En það kemur víst að þessu og maður verður bara að sætta sig við það eins og annað

Ég fór til hómópata á föstudaginn.  Ég hef farið áður þannig að það var ekkert rosalega margt sem kom mér á óvart eftir mælinguna.  Ég á að taka út ger, hvítt hveiti og allan sykur (en ekki hvað) ásamt nokkrum öðrum fæðutegundum.  Ég byrja á því að fara í smá hreinsikúr í 10 daga og svo á ég að fá mér slatta af bætiefnum og steinefnum sem mig vantar en lyfjameðferð eins og ég fór í gerir það að verkum að ýmis góð efni skolast bara út.  Þá er nauðsynlegt að byggja sig upp  aftur.  Hún ráðleggur mér að taka B og C vítamín, selen og þaratöflur (hjálpar til við að losna við eiturefnin),  og ýmsilegt annað sem ég nenni nú ekki að telja upp.  Ég er sko alveg tilbúin í þennan pakka núna.  Kominn tími á róttækar breytingar á mínu mataræði.  Ég skal halda smá dagbók hér inni til að leyfa ykkur að fylgjast með.  Ég þarf að sleppa kaffinu, rauðu kjöti, og borða meira léttfæði á meðan hreinsikúrinn stendur yfir.  Það ætti nú ekki að vera svo erfitt .... eða hvað?!  10 dagar eru nú fljótir að líða.  En svo þarf ég að taka hitt út í 4-6 vikur og fara svo aftur í mælingu í byrjun maí til að sjá hvernig staðan verður þá hjá mér.   Spennandi verkefni og verður örugglega ekkert óyfirstíganlegt.  Þetta verður örugglega erfiðast í vinnunni því ég má ekki borða allan matinn sem er þar í boði.  Þá er bara að grípa í ávöxt eða eitthvað létt

Kem fljótlega aftur með nánari útlistun á hvernig þetta gengur hjá mér.  Ég byrjaði formlega í dag sem sagt. 

Þangað til næst  

Aðgerð

Ja komiði öll sæl og blessuð!

Nú er búið að ákveða nokkurn veginn aðgerðardag fyrir augun mín   Ég fer á mánudaginn 26.mars í viðtal við svæfingarlækninn og skurðlækninn og svo verður aðgerðin gerð annað hvort daginn eftir eða þriðjudaginn þar á eftir (3.apríl).  Vei vei.  Ég er auðvitað hæstánægð með að það á að reyna að laga þennan leka hjá mér því eins og þið vitið þá eru pípurnar mínar ónýtar (táragöngin) og það á sem sagt að setja í mig gerfi-táragöng.  Einnig verður settur einhvers konar gler-kubbur efst í nefið sem gerfipípurnar verða svo tengdar við.  Nú krossa ég bara fingur um að augun mín hætti alveg að leka eftir þessa aðgerð  

En jæja.  Hér í lokin kemur smá gáta fyrir ykkur.  Ef þið fattið hana skrifið þá svarið í comment ok!!

Hvert er orðið, sem vísan  era ð benda á?

Líst mér best ég lúri um stund

laglegt þykir nafnið varla.

Ekki bratti ekki grund

undirballans má það kalla.                      Leggið nú höfuðið í bleyti kæru vinir   

 

Prjónagleði

Jæja þá er enn ein helgin liðin   og ýmislegt var nú brallað um þessa helgina.  Eitt af því var að kjellan eignaðist nýtt áhugamál   en það er PRJÓNASKAPUR.  Já mín skrapp í borgina á laugardaginn með álafosslopa og prjóna með sér til að læra almennilega að prjóna hjá Guðrúnu syss.  Og viti menn.  Þetta er bara að hafast svei mér þá.  Ég er sem sagt að reyna að prjóna mér hatt sem ég ætla að þæfa og svo er bara að sjá hvort hann passar   Ja hann hlýtur þá að passa á Sigrúnu ef hann verður of lítill á mig.  Við mæðgur fórum sem sagt og gistum hjá Guðrúnu systur og höfðum það agalega kósí á laugardagskvöldið og prjónuðum í kór  systurnar. 

Stebbi er búinn að vera í fjallaferð síðan á föstudaginn og er enn   hann fór á Grímsfjall og mér skilst að færið hafi ekki verið með besta móti fyrir jeppana en minn maður var auðvitað á snjóbíl.  Enn ein æfingaferðin.  Svo er ég búin að reyna að ná í hann síðan um fimmleytið í dag og ekkert samband að hafa, slökkt á öllum símum.  En svo núna klukkan 10 í kvöld fékk ég hringingu frá einum í Björgunarsveitinni um að mennirnir væru veðurtepptir í skála þarna innfrá og ætluðu að reyna að leggja af stað þegar veðrið hefur skánað aðeins.    O jæja mér létti nú við það að vita af þeim heilum á húfi í skála. 

jæja yfir og út og góða nótt.

Flensuskítur

Hósti, kvef, nefrennsli .... svona helstu einkenni mín þessa dagana.  Ekki nógu gotth!!!    Kom heim i dag og lá í móki uppi í sófa með bullandi beinverki og svona máttleysi í líkamanum, jakk.  Ég er ekki vön að veikjast að þessu tagi svo að mér leið bara frekar illa.  Tók svo sterkar verkjatöflur og er búin að vera ágæt síðan.   Það er verst þegar maður er einn heima með barnið... enginn til að taka við af manni.  Kallinn í bænum að vinna og er nú á leiðinni heim með kjúlla og franskar..... ummm óhollustu af verstu sort    

Hef ekkert getað kíkt á skvísurnar mínar í Suðurenginu.  Fer að fá fráhvörf held ég.  Jæja þá höfum við bara fleiri kjaftasögum að útdeila þegar við loksins hittumst, hehehe.

Annars hafa Kanarífuglarnir okkar það bara gott.  Eru ánægð með hótelið og veðrið er bara búið að vera gott      Yfir og út kæru landsmenn hvar sem þið eruð.

HANN Á AFMÆLI Í DAG...

hann á afmæli í dag, hann á afmæli hann STEEEBBBBIIIII minn.  Hann á afmæli í dag     Til hamingju með daginn kallinn minn   

Við hjónin gerðum okkur glaðan dag í gær og skruppum í menningarferð til höfuðborgarinnar.  Gengum niður Laugaveginn og kíktum á kaffihús.  Fórum svo á Lækjarbrekku í gærkvöld og borðuðum þar dýrindis mat, humar og hörpuskel í forrétt og nautalund í aðalrétt og hvítt og rautt með að sjálfsögðu, namm namm.  Svo fórum við í leikhús að sjá pabbann.  Snilldarverk alveg og mæli með því.  Kom pínu á óvart tímabilið sem hann fjallar um... en þið verðið bara að sjá stykkið og þið veltist um af hlátri.  Það gerðum við allavega og könnuðumst við fuuuullt af góðum punktum þarna   Nú svo fórum við aftur á Lækjarbrekku því vinir okkar voru líka að borða þar og við settumst í betri stofuna uppi á lofti og fengum okkur Baileys og Mohito.  Voða nice.  Kíktum svo á Rex og Thorvaldsen.  Enduðum svo á hóteli og gistum þar hjónin.  Alveg svakalega rómó og nice helgi verð ég að segja.  Prinsessan á bænum gisti hjá Guðrúnu systir og co og var í góðu yfirlæti þar.  Nú hún Berglind vinkona mín á líka afmæli í dag (og sama ár og Stebbi meira að segja ) og vil ég óska henni til hamingju með daginn líka.  Meira er ekki að frétta héðan svo veriði sæl að sinni.