Bloggfærslur mánaðarins, maí 2007

Kominn júní

    Pæliði í því.  Það er kominn JÚNÍ!!!   Sumarið verður búið áður en maður nær að snúa sér við.  Við ætlum nú að reyna að skella okkur í nokkrar útilegur í sumar.  Það sem er "defenetlí" ákveðið er fjölskylduútilega í Borgarfirði um miðjan júlí en allt fólkið okkar kemur frá Noregi.  Það verður gaman að hitta þau öll.  Nína, Kjell, Gunn Vigdis, Helen og Harald og öll börnin maður vá.  Frábært alveg.  Ætlum svo að halda áfram norður og austur á land í einhverja daga.  Svo stefnum við á Úlfljótsvatn, Laugarás og Þingvelli jafnvel... eina nótt kannski því ekki nennir maður að vera lengi á stað þar sem ekki má heyrast í manni eftir 10 á kvöldin Woundering  ég meina come on!  Börnin eru nú úti að leika langt frameftir á tjaldsvæðum um hásumarið.  Mér skilst allavega að á Þingvöllum verði að vera komin ró á liðið kl. 22.00  TAKK FYRIR!  Sjáum til hvað við gerum.

Reykingabannið á skemmtistöðum hefst á morgun.  Gott mál það.  En það verður nú gaman að sjá hvort blindfullir Íslendingar (og aðrir of course) fari eftir þessu.  Það verða nú örugglega einhverjir úti í horni að reyna að "laumast" til að kveikja sér í og segja svo bara:  "Haaa?  Bannað að reykja?  Hva segirrrru?  Errrrt a meinedda?  Jiiii ég vissi þakki sko!!!"      

 

Óskum eftir ferðafélögum í útilegur í sumar Grin


Hvítasunnuhelgin afstaðin

Jæja margt búið að gera um helgina.  Ber helst að nefna að á föstudaginn var opið hús hjá okkur í Krakkaborg og sungum við í kórnum okkar með Hörpukórnum (eldri borgarar) í Þingborg og tókst það ljómandi vel.  Við vorum ansi stolt af hópnum okkar og þau stóðu sig svo vel. 

Um kvöldið fórum við svo í Timburhól (skógarlundurinn rétt hjá afleggjaranum heim til okkar) því þar var búið að kveikja í kolum og kom hópur saman til að grilla og hafa gaman.  Leikhópurinn í Flóahreppi sýndi svo frumsamið verk sem var assgoti gott.  Sigrún hitti m.a. Kolbrúnu Kötlu vinkonu sína úr leikskólanum. 

Laugardagurinn var nú nokkuð fljótur að líða hér á bæ þar sem húsmóðirin stóð sveitt í eldhúsinu eitthvað að fást við mat.  Gerði 2 stórar brauðtertur fyrir fermingu Þuríðar sem var svo í gær.  Afrakstur svitans má svo sjá hér Laxatertur  agalega fínar og voru hinar bestu á bragðið.  Sigrún og Stebbi skelltu sér í Töfragarðinn á meðan.

Nú svo brunuðum við til Reykjavíkur snemma á Hvítasunnudag til að mæta í Langholtskirkju þar sem fermingin fór fram.  Þuríður stóð sig eins og hetja og var auðvitað langflottust.  Sigrún var nú ekki alveg að nenna þessu og spurði sífellt hvenær þetta væri búið því þetta væri svooooo leiðinlegt!!!  Gasp  Hún reyndi nú að drepa tímann þessi elska með því að tóna með prestinum og fara 2x á klósettið og svona.  LoL  Svo fórum við í veisluna og fengum þennan líka æææææðislega mat, bland af hinum og þessum réttum og sælkeratertur auðvitað Smile  Þetta var voða gaman og svo eftir veisluna ákváðum við litla fjölskyldan að bruna í Skorradalinn að heimsækja Svövu og co í sumarbústað.  Það var alveg frábært.  Meiriháttar staður alveg, bústaðurinn er nálægt vatninu og svo skógurinn og fjöllin í kring.  Sigrún, Reynir og Ísak (frændi Reynis) nutu sín úti í náttúrunni og kallarnir okkar Svövu fóru á seglbát út á vatnið.  Voða gaman.  Svo keyrðum við Hvalfjörðinn heim og fórum Þingvallamegin.

Nú í dag opnuðum við svo fellihýsið loksins og erum við búin að stúdera allt í sambandi við uppsetninguna á því.   Ég er voða spennt að fara í fyrstu útileguna og prufa græjuna.  Sigrún vill nú bara sofa þarna úti í nótt Happy  Hún skellti sér inn og náði í köku sem hún vildi nú endilega borða í fellihýsinu þannig að fyrsta kökumáltíðin er afstaðin í þessu líka fína húsi Smile   Fyrsta kökumáltíðin    jú mér líst bara ágætlega á þetta   Það eru komnar nokkrar nýjar myndir inn í albúm merkt sumar 2007 hér neðar á síðunni.  Einnig eru nýjar myndir á heimasíðu Sigrúnar  http://barnanet.is/sigrunstef


Rok, rok ég ræ ekki

Þetta er nú meira hel... rokið hérna á þessu skeri.  Maður bara nær ekki andanum í þessu.  Púff.  Fékk bílhurðina í andlitið áðan á meðan ég var að hleypa Sigrúnu út.  Svei mér þá.  Ef ég hefði nú fengið marblett eftir hana þá hefði nú einhver haldið að um heimilisofbeldi væri að ræða.  Maður rétt búinn að jafna sig eftir augnaðgerð... en já talandi um augnaðgerð.  Rörið fína poppaði nú bara upp úr hjá mér á sunnudaginn síðasta þannig að nú er ég röralaus og ekki hægt að kalla mig Lester Jones lengur Woundering  Þannig að ég þurfti enn og aftur að hitta Harald augnlækni á miðvikudaginn og hann sagði að næsta skref væri að prufa aðra týpu.  Já þetta var einfaldlega ekki mín týpa Wink  en hann vill bíða með það fram á haustið.  Leyfa bólgunni alveg að hjaðna og auganu að jafna sig og sonna.  Gott að það sé alveg búið að lagast þegar á að fara að þjösnast á því á nýjan leik.  Þetta er nú meira ástandið.  En ok.  Ég verð að sætta mig við það að tárast í sumar og mega svo búast við aðgerð á ný upp úr miðjum ágúst.  Great!!!  Eins gott að þetta virki þá.  Spurning um að fá lengra rör næst því þau eru víst til mislöng.

Annars lítið títt af þessum bæ.  Fjör í Flóanum um helgina og ætlum við fjölskyldan að reyna að taka aðeins þátt í því á milli þess sem ég smyr á brauðtertur fyrir fermingu Þuríðar sem er á Hvítasunnudag.  Var að panta brauðin áðan og þá er bara að skella í salatið á morgun.  Smyrja svo á laugardag.  Skreyta á sunnudag.  Ekki gott plan???  Smile 

Heyrumst.


Candy floss sumarið mikla, úffff!

Við Sigrún skunduðum til Reykjavíkur í dag.  Byrjuðum á því að hitta Sibbu söst í Kringlunni.  Sigrún fór í Ævintýraland og skemmti sér konunglega.  Við Sibba áttum erindi í búð í Kringlunni.  Segi ekki meir þar sem sumir gætu verið að lesa Joyful  Þegar það var búið fengum við okkur kaffi og með'ðí á Kaffi tár.  Mmmmmm besta kaffið í heimi Smile  Svo náðum við í Sigrúnu og hún fékk pizzu og brauðstangir frá Dominos á Stjörnutorgi. 

Svo kvöddum við Sibbu og brunuðum í Fjölskyldugarðinn á M 12 hátíð.  OG JE MINN EINI.  Þvílíkt og annað eins kraðak af fólki.  Ég sleppti varla hendinni af Sigrúnu því það hefði EKKI verið auðvelt að finna hana aftur í mannmergðinni.  Við urðum nú fyrir svolitlum vonbrigðum með þennan dag.  Það var ægileg eftirvænting í Sigrúnu fyrir þennan dag því hún ætlaði sko í hringekjuna og í hoppukastala og að sjá Skoppu og Skrítlu.  Sem henni finnst by the way ÆÐISLEGAR.  Nú biðraðirnar í tækin voru tugi metra að lengd og það tæki sem heillaði mest hjá henni mátti hún ekki fara í því hún var ekki nógu há Frown  Þá var aðeins grátið.  Svo hún fór þá á risa hoppudýnu þar sem sást nú varla í dýnuna fyrir krökkum.  En hún prófaði og staldraði nú stutt við.  Hún hoppaði og skoppaði upp í loftið og vildi bara koma af.  Pínu meiri grátur Frown  Aðeins of margir STÓRIR krakkar.  En jæja þá hófst leitin að Skoppu og Skrítlu.  Við spurðum örugglega 10 starfsmenn (krakka BTW) hvar þær ættu að vera en enginn vissi neitt.  "eeee sko ég held þær verði á sviðinu sem er einhvers staðar þarna" og bentu út í loftið.  Annar sagði að þær yrðu hjá Víkingaskipinu.  Enn einn sagðist bara ekki vita það sko... "ég bara vinn hérna"  Oh my god!!!  Þvílík hjálp sem var í þessu liði.  Við gengum fram og til baka í garðinum þangað til við runnum bara á hljóðið í þeim og þá var mikil gleði að finna þær.  Sigrún fór auðvitað fremst við sviðið (en ekki hvað!!!  Hefur góða fyrirmynd LoL ) og hlustaði á þær syngja af miklum áhuga.  Svo þegar þær voru búnar með showið hófst myndataka með öllum börnunum.  Við lentum nú frekar framanlega í því þannig að ég skelli inn myndum af því við tækifæri.  Glaðar héldum við ferð okkar áfram um garðinn og ákváðum að fara í Candy floss röðina.  Og je minn eini.  Biðum í klukkutíma í röð þar til við gáfumst upp.  Við ákváðum að fara bara á einhvern annan stað til að reyna að finna þetta Candy floss því það kom ekki til greina að kaupa eitthvað annað í staðinn.  Candy floss skyldi það vera GetLost  En jæja þá fórum við bara aftur í bílinn og heyrðum í Stebba og hann var þá akkúrat kominn í bæinn af Landsþingi Landsbjargar sem var á Suðurnesjunum.  Við ákváðum að skella okkur í Kolaportið því ég hafði hlerað það í Fjölsk.garðinum að það fengist Candy floss þar.  Og jú jú við fundum það og þá var nú kátt í höllinni Grin  Og við fundum líka harðfisk og nammi og þá fóru allir glaðir heim.

Jú dagurinn var bara nokkuð góður í heildina séð og Sigrún hæstánægð þegar öllu var á botninn hvolft Joyful 

Góða nótt   


Enn smá von

Fór til augnlæknisins í dag í "check up" og hann sagði að augað væri ekki enn búið að jafna sig eftir aðgerðina og því væri enn von um að táragöngin ættu eftir að virka betur.  Það er enn bólga í þessu þannig að nú er bara að bíða og sjá.  Hann vill hitta mig aftur í haust til að sjá þá betur hvernig þetta virkar í raun og þá getur hann betur metið hvort borgi sig að reyna við hitt augað.  Já þá er bara að krossa fingur og vona það besta   Ég er sem sagt ennþá að þurrka úr auganu en finn þó nokkurn mun.  Þurrka orðið oftar úr hægra auganu núna.  Æ ég veit ekki... þetta kemur bara í ljós.

Fór svo aftur í bæinn í dag í afmæli hjá "litlu" frænku minni sem varð 14 ára í dag   Já hún Þuríður er orðin 14 og mun fermast á Hvítasunnudag.  Ja hérna hér.  14 ára já.  Sumarið 1988...  nokkur stikkorð fyrir ykkur sem þekkið mig og vitið hvað þau þýða, malbikun, skólinn, Rannveig - your mother, kúlutjald, sætaferðir, Fiat uno... segi ekki meir!!!    

Stefni á garðvinnu á morgun.  Prrrrrrrrrrrrrrrrrr  yfir og út!


Eitt allsherjar samsæri

Djöfuss svindl er í gangi þarna í þessu Eurovision kjaftæði.  Austur Evrópa bara að taka yfir.  Algjört allsherjar samsæri.  Ekki spurning.  Aumingja Eiríkur Rauði var bara svekktur.  Fannst að lagið og flutningurinn hefði sko átt það skilið að komast í úrslitakeppnina á laugardaginn.  Er reyndar alveg sammála en svona er þetta bara.  Og er eitthvað hægt að gera í því???   Og Danmörk og Noregur með þessi fínu lög en nei nei... komust bara ekki áfram.  Algjört svindl allt saman og maður ætti núna að gefa skít í þessa keppni í eitt skipti fyrir öll.  Já ég er ekki glöð með þetta.  Held ég sé meira að segja svekktari nú en í fyrra Crying 

En jæja það þýðir víst ekki að grenja þetta.  Snúum okkur þá bara að kosningunum.  Það verður spennandi að sjá hvernig úrslitin verða eftir allar þessar sveiflur í skoðanakönnunum síðustu daga. 

Ég er alla vega á leiðinni í búst í mæðraorlof Grin  Heyrumst eftir helgina kæru vinir.


Hvað ætti ég að kjósa....???

Hvað ættir þú að kjósa í Alþingiskosningunum samkvæmt þessum link:    

http://xhvad.bifrost.is

Ég tók prófið og svei mér þá.      Held ég sé bara búin að ákveða mig  Happy 

Stuðningur við Sjálfstæðisflokk: 25%
Stuðningur við Framsóknarflokk: 20%
Stuðningur við Samfylkinguna: 12.5%
Stuðningur við Vinstri-Græna: 37.5%
Stuðningur við Frjálslynda flokkinn: 47%
Stuðningur við Íslandshreyfinguna: 20%

Skoðanir þínar eru í mestu samræmi við skoðanir Frjálslynda flokksins! 

Er hann ekki eini flokkurinn sem vill virkilegar breytingar í þjóðfélaginu í dag  (sem vit er í btw)??? 

Það fyndna við þetta er að ef maður hefur enga skoðun á neinu málefni þá kemur þetta svar:  Skoðanir þínar eru í mestu samræmi við skoðanir Samfylkingarinnar.   LoL  Þetta er skrítið próf verð ég að segja.


...gente di mare....

Jæja þá er búið að setja í mig Lester Jones rörið og svei mér þá ég held það virki bara fínt Joyful  Er reyndar aðeins bólgin og er pínu að þurrka ennþá en vonandi lagast það á næstu dögum.  Ég fór náttúrulega að setja í eina þvottavél áðan (ekki alveg að fíla það að sitja eða liggja hreyfingarlaus allan daginn Pouty) og þá fann ég nú dálítinn þrýsting í auganu og hann Lester vinur minn ætlaði bara að yfirgefa samkvæmið Crying  Já rörið poppaði eitthvað upp þannig að ég varð að ýta því niður aftur og fannst það ekkert mjög spennandi.  Reyndar var búið að segja mér á augndeildinni að þetta gæti gerst en væri ekki mjög líklegt og þá ætti ég bara að ýta því varlega niður aftur.  Jaaaá einmitt.  Sniðugt Whistling  En þetta rör er sem sagt alveg í augnkróknum og maður sér í það ef horft er vel... þannig að þetta er allt saman ansi opið og ég er að bera smyrsl í augað 3x á dag til að varna því að sýking berist í þetta. 

En ég er búin að hlusta á Bylgjuna í allan dag og er að komast í Euro fííííllllíííng.  Gömlu góðu lögin búin að hljóma í allan dag og maður bara að komast í stööööð!!!

AÐEINS 3 DAGAR Í BÚST STELPUR!!! Grin Grin Grin  Ég ætla að kjósa utankjörfundar á föstudaginn en gallinn er bara sá að ÉG VEIT BARA EKKERT HVAÐ ÉG Á AÐ KJÓSA NÚNA.  Mér finnst allir vera að lofa því sama...  og svo stendur auðvitað enginn við neitt.  Allir gleyma því hverju var lofað eða finna einhverja góða ástæðu fyrir því af hverju ekki er staðið við loforðin W00t  Spurning um að skila auðu bara.... hmmm

DIGGI LÚ DIGGI LEI, ALLA TITTA PO MEI......  jeeee jeee jeeee


Nú verða sagðar fréttir

Í fréttum er þetta helst:

Við litla fjölskyldan brunuðum til borgarinnar í gær til þess að skoða fellihýsi Smile  Byrjuðum á því að fara í Ellingsen þar sem þeir eru með umboð fyrir Coleman fellihýsin sem heita reyndar í dag Fleedwood.  Þetta voru auðvitað allt saman ný hús og rosalega flott og líka rosalega dýr.  Okkur leist best á Cheyenne húsið sem er 10 fet að stærð, með ísskáp og geymslukassa framan á og löngum bekk inni sem kemur við endann á borðinu.  Þannig geta a.m.k. 8 manns setið í því fyrir utan rúmin Smile  En jæja við ákváðum að skella okkur í Hafnarfjörðinn til að skoða eitt hús sem við vissum af til sölu.  Það er líka Coleman en heitir Larame minnir mig.  Okkur leist rosalega vel á það því það er mjög svipað Cheyenne húsinu, einmitt með geymslukassa utan á beislinu, ísskáp, og svona bekk við endann á borðinu (reyndar aðeins styttri því það kemur borð við hliðina og skápur undir því) en svo fylgir þessu húsi líka 2 ljós, snyrtiborð með spegli (algjörlega nauðsynlegt fyrir húsmóðurina), skyggni, stór geymsluhyrsla úr nyloni með fullt af hólfum og gasgrill sem hægt er að festa utan á húsið.  Og okkur leist svona ljómandi vel á þetta fellihýsi þannig að við bara keyptum það Whistling  Þetta er 2004 árgerð en hefur aðeins verið notað eitt sumar í útilegur því hjónin sem áttu það fluttu það sjálf inn síðasta vor og þetta var sýningarhús úti í Ameríku þannig að það er eins og nýtt.  Bara frábært Grin Grin Grin  Þannig að nú auglýsum við eftir skemmtilegum ferðafélögum í sumar....

Coleman  Fellihýsið er ekki ósvipað þessu á myndinni. 

Nú svo er ég að fara aftur í aðgerð á morgun.  Læknirinn ætlar að reyna að klára það sem hann byrjaði á um daginn.  En eins og þið kannski munið þá varð hann að hætta því það blæddi svo mikið.  Þessi aðgerð er mun einfaldari þar sem hann var búinn að gera gatið fyrir glerkubbinn og rörið (Lester Jones túpuna) þannig að nú skutlar hann þessu bara inn og voila.... mín komin með þessi fínu táragöng (7-9-13).  Ég vonaaaaaa  allavega innilega að það verði ekkert flóknara en þetta og að það fari ekki að blæða svona aftur.  Ég á sem sagt að mæta í fyrramálið kl. 7.30 takk fyrir og vonandi verð ég komin snemma á skurðarborðið.  Síðast þurfti ég að bíða í nokkra tíma.   En ef það blæðir ekki svona mikið þá fæ ég að fara heim samdægurs.  Jibbí.

Ég fór aftur til hómópatans míns á föstudaginn.  Bjóst nú hreint ekki við góðri mælingu þar sem ég fór í eina aðgerð og á vikuskammt af sýklalyfjum í millitíðinni.  Einnig hafa verið miklar veislur eins og páskarnir og afmæli Sigrúnar og fleira og ég því "svindlað" aðeins.  En mælingin kom mun betur út en Birna þorði að vona og ég er bara í góðum málum þannig séð.  Á auðvitað að halda áfram að forðast sömu efni og síðast (forðast hörðu efnin hehe) og þá held ég mér nokkuð góðri í meltinu og ristli.  Já já þið fáið bara allar fréttirnar í einum pakka hérna.  Svo gjöriði svo vel!!!

Læt heyra í mér eftir aðgerð.


Jæja góðir gestir

Við Sigrún vorum að koma frá Selfossi.  Hittum nokkrar skvísur sem við Svava vorum með í Kennó fyrir nokkrum árum.  Allar með börnin og við erum sex kellur sem höldum mest hópinn (útskrifaðir leikskólakennarar í júní 2001) og 4 af okkur eignast barn á þessu ári.  Smile  Ótrúlega ríkar konur.  Þegar þau eru öll fædd þá eigum við til samans 11 börn Wink   VÁ!!!  Geri aðrir betur.  Þórlaug og Olla komu sem sagt austur fyrir fjall í dag með krílin 2 og við hittumst heima hjá Svövu.  Agalega gaman.  Nú svo er bara vika í að við förum allar saman í bústað í mæðraorlof.    Þá reynir á karlana okkar góðu að vera einir með börnin Joyful  En þetta eru nú svo miklir englar að það verður auðvitað ekkert mál Halo  tíhí.  Ja ein okkar er löglega afsökuð þar sem hún býr í Danmörku og er reyndar að fara að eiga barn á næstu dögum.

Stefnum að því að taka til í garðinum um helgina.  Er eiginlega ekki að nenna því ef ég segi alveg eins og er....   ég vildi óska þess að ég hefði grænni fingur en raun ber vitni.  Mig vantar slatta af áhuga og dass af hugmyndaflugi fyrir skemmtilegan garð sem þarfnast ekki mikillar umhugsunar.  Einhverjar hugmyndir???

Svo vantar okkur ennþá fellihýsi.  Helst Coleman (skilst að þau séu best) og um 10 fet.  Karlinn vill ekkert minna.  Ætli ég taki svona mikið pláss??  Hmmmm     


Um bloggið

Bloggsíða Rannveigar

Þú ert kominn á bloggsíðuna mína. Allt sem hér er skrifað er skrifað af mér og endurspeglar ekki endilega mat þjóðarinnar.

Höfundur

Rannveig Bjarnfinnsdóttir
Rannveig Bjarnfinnsdóttir

Sveitakjella, móðir, eiginkona, deildarstjóri, leikskólakennari, ljón, föndrari og mikil áhugamanneskja um gamla, íslenska skemmtiþætti.  Er þakki Addi Palli og Bergþóra?  Vann ég ekki þetta tæki á basarnum? 

Netfang:  rannveig@emax.is  

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Ný könnun!!

Hvað ertu?

Nýjustu myndböndin

Dansnámskeið

Bomboleo

Heljarstökk

Nýjustu myndir

  • Vinir á El Duke
  • Á skemmtun með Ómari Ragnarssyni
  • Skvísan fyrir utan húsið okkar

Ýmsar síður

Heimsóknir

Flettingar

  • Í dag (28.3.): 1
  • Sl. sólarhring: 1
  • Sl. viku: 2
  • Frá upphafi: 123735

Annað

  • Innlit í dag: 1
  • Innlit sl. viku: 2
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband