Ísköld rigning

Brrrrrrr við hættum við að fara í réttirnar því þegar við vöknuðum í morgun (n.b. löngu áður en við vöknum venjulega á virkum dögum) var svoleiðis greeeeenjandi rigning og dálítill vindur.  Svo núna um 10 leytið í morgun sáum við að það er komin slydda.   Brrrrrr við nenntum því ekki að fara í tilgangslausar réttir að okkar mati til að hýra þarna í skítakulda sem áhorfandi í drullusvaði þannig að við ákváðum að sofa bara lengur og liggja undir heitri sænginni og fara í bíó eftir hádegið í dag með prinsessuna á bænum.  Hún var alsæl með þá hugmynd sem móðir hennar kom með þegar allir voru nývaknaðir eftir vekjaraklukkuna þannig að við snerum okkur bara á hina hliðina og héldum áfram að sofa   Svona á að gera þetta hehe.  

Minni á WC pappírinn sem er til sölu hjá mér (sjá neðri færslu).  Mæli eindregið með því að þið kaupið eins og eina pakkningu því það er svo mikill munur að þurfa ekki að fylla alla innkaupapoka af klósettpappír eða eldhúsrúllum í hverri búðarferð.  Betra að eiga þetta á lager heima bara  

Og svo er að sameinast yfir imbanum í kvöld og horfa á MR. BEAN.  Sigrún bíður spennt eftir að sá mikli snillingur sýnir sig í sjónvarpinu í kvöld. 

Til hamingju Selfoss ...

... með að ég fæddist hér!  Jább Selfoss er orðið 60 ára bæjarfélag.  TIL HAMINGJU MEÐ ÞAÐ KÆRA SELFOSS.  Suðurlandsins eina von... segi ekki meir!

En hvað sem því líður þá er ég farin að selja klósettpappír.  Jú jú nema hvað.  Það er til styrktar námsferðinni sem við í leikskólanum Krakkaborg erum að fara í næsta vor.  Ætlum við til Jótlands og þurfum að selja skeinispappír og berjaljós til þess að komast út   Spurning um að hafa uppi á Lionsklúbbnum Kidda og spyrja þá hvernig þeir báru sig að í þessum efnum hér um árið haha. 

En til sölu er hann.  Tveggja laga LOTUS klósettpappír.  48 rúllur saman í pakkningu á 2.500,- krónur.

Einnig er ég með aðeins mýkri klósettpappír fyrir blúndurassana  en þar eru 30 rúllur í pakkningunni á 2.500,- kr.

Já og ég á til eldhúsrúllur líka.  Assgoti fínar og eru þær 15 í pakkningu á 2.500,- kall.  Mjúkar og fínar.

Ef þið viljið styrkja þessa ferð okkar í leikskólanum sendið mér tölvupóst á [e-mail] 

Annars er það helst að frétta að ég fékk breyttan tímanum hjá Sigrúnu í fimleikunum.  Hún verður á föstudögum kl. 14 í stað laugardaganna kl. 09   og ég held þetta verði bara betra.  Þá getum við aðeins sofið út á laugardögum.   AAAAhhhhh ég er strax farin að hlakka til.  Reyndar verður þá engin afsökun fyrir réttunum á laugardaginn   brrrr.  Held það verði ansi blautt og kalt.  Sigrún veit ekki alveg hvað á að gera í þessum réttum en "í svona réttum verður maður allavega að vera í kuldagöllum"  sagði hún mér áðan.   Og jú við þurfum nesti líka.  "Samlokur með salati.  Svona hauskúpusalati."  "Hvað er nú það" spurði ég alveg græn.  "Æi mannstu ekki.  Svona haus"    Já líklega hefur hún heyrt talað um salathaus stúlkan. 

Réttir eða fimleikar?

Já hún dóttir mín sveiflast frá hægri til vinstri með hvort hún ætli í fimleikana á laugardaginn eða fara í réttirnar.  Vinkona hennar í leikskólanum vill endilega að hún komi í réttirnar (Reykjaréttir á Skeiðum) sem hefjast um 9 leytið á laugardagsmorgun og hana langar alveg svakalega mikið að fara í þessar blessuðu réttir.  Spurning um að skella sér bara en móðirin hefur aldrei á ævi sinni farið í neinar réttir   Kannski kominn tími til.  Æi mér finnst eitthvað samt svo asnalegt að fara bara til að horfa á því ekki á maður neitt fé (ennþá a.m.k. haha).    Það er greinilegt að hana langar mikið því fimleikarnir eru eitthvað sem hún sleppir nú ekki að vanhugsuðu.  Jæja ég legg þetta í nefnd.

En að öðru.  Hvurslags veðurlag er þetta hérna á þessu skeri.  Fyrst er svoleiðis steikjandi sól og hiti í fleiri vikur en elstu menn á Eyrarbakka muna og hvur bað um það?  Beljurnar sugu svoleiðis frostpinna í öll mál og maður gat sólþurrkað allan fjandann.  Þurrkurinn var svo mikill í sumar að menn vöruðu við vatnsskorti en núna er vatnið mórautt vegna rigninga.  Svo núna er ekki hundi út sigandi vegna bleytu og slagviðris sem er gjörsamlega búið að vera NON stop í allan dag.  Er ekki einhver að stjórna þessu þarna uppi HA!  Hvernig væri að skipta þessu bróðurlega á milli þeirra sem þess þurfa. 

Jæja nöldri dagsins lokið!  Nú er tingið slútt og hana nú!  Næsta færsla verður sölufærsla svo verið viðbúin

Hvað hafa þau svo sem gert annað en spilað fótbolta og verið með stjörnustæla dauðans!?

Ég gæti nú varla verið meira sammála þessu blessaða tímariti því þau eru einmitt þvílíkt OF-metin í mínum augum.  Ég horfði nú að gamni mínu á þáttinn sem sýndur var á Stöð 2 um daginn um það þegar Viktoría kom til Bandaríkjanna og OMG!  Ég horfði á hann einmitt til þess að reyna að sjá hvað væri svona merkilegt við hana.  Og ég er eeeeengu nær  

Hvað er gaman við það að lifa þannig að þú mátt ekki ropa og reka við án þess að papparassarnir klíni því í blöðin og þú átt þér ekkert einkalíf.  Ég segi nú bara aumingja börnin þeirra.  Hvað skyldi verða úr þeim?

Beckhamhjónin eru „ofmetnasta fólk í heimi“

Ég er fljótari í vinnuna...

núna þegar ég bý í sveitinni heldur en þegar ég bjó í bænum  

Ég hjó eftir því í kvöldfréttum Stöðvar 2 að fólk er óvenju lengi á leiðinni í vinnu eða skóla þessa dagana í Reykjavík.  Ég man þegar ég var að byrja að vinna á Sæborg fyrir meira en 10 árum síðan (getur það verið  ) þá þurfti ég að taka strætó þar sem ég átti ekki bíl til að byrja með.  Ég var um 20 mínútur á leiðinni með strætó frá heimili mínu í Laugarnesinu og fannst mér það oft ansi langur tími.  Fór aaaaalltaf sömu leiðina með fjarkanum, framhjá sömu búðunum, gatnamótunum, sá sama fólkið jafnvel dag eftir dag. 

Svo keypti ég mér Brúnó, sem var hundgömul mazda 323, sjálfskipt og hann dugði mér nú ótrúlega lengi blessaður.  Ég fermdi hann og allt   Ég skýrði hana Brúnó því kagginn var jú brúnn og ég talaði við hann eins og hann væri besti vinur minn .  Enda virkaði hann oftast þegar ég þurfti á að halda.  En hann var ansi leiðinlegur í bleytu.  Ég man í eitt skipti þegar ég var að koma úr vinnunni á rigningardegi og var að koma að ljósum og það skall á rautt ljós.  Ohhh og hann drap á sér blessaður.  Ég reyndi að koma bílnum í gang aftur en ekkert gekk.  Þá fékk ég mann sem var í bíl fyrir aftan mig til þess að ýta honum með mér upp á eyjuna til þess að ég yrði nú ekki fyrir lengur því þetta var jú seinni part á virkum degi og allir að flýta sér heim.  Svo sat ég inni í bíl og spáði í það hvað ég ætti nú til bragðs að taka... þegar ég tók eftir því að ég hafði gleymt að setja hann í Parkið aftur   Ha ha ha.  Smá mistök.  Þannig að ég gerði það í snarhasti og Brúnó minn rauk í gang   en fyrir ykkur sem hafið ekki kynnst sjálfskiptum bílum þá er ekki hægt að starta bílnum nema hann sé í parkinu heehheheeee. 

Hann var bestur í frosti hann Brúnó minn en þar kom að því að hann gaf eiginlega upp öndina og ég og maðurinn minn (sem þá var nýr kærasti) keyrðum hann á haugana því þá vorum við búin að kaupa Rauðhettu 1. 

Blessuð sé minning Brúnós         Hér má sjá Brúnó við hliðina á Gamla hvít sem Stebbi breytti á sínum tíma. 

Steeeeelpurnar...

á Stöð 2 eru náttúrulega bara snillingar.  Maður situr agndofa yfir hverjum þætti og veit stundum ekki hvort maður eigi að hlæja eða ...  ja bara hneykslast.   Ha ha ha   þátturinn í kvöld var algjör snilld...  mæli með því að þið horfið á þessa vitleysu. 

Ekki ósvipað og þegar maður lá yfir áramótaskaupunum hérna um árið...  Viltu ekki vita hvað við átum líka eyminginn þinn...  Það má ekkert í þessu þjóðfélagi.  Viltu ekki fá að sjá mynd af mömmu líka sporhundurinn þinn HA HA HA A HAAAAA.  Þvílík gargandi snilld   

En jæja.  Kvikindið er ennþá á veggnum hjá okkur og ég held svei mér þá að þetta sé eitthvert fáránlegt fiðrildi frá Rússlandi eins og ein góð bloggvinkona benti mér á.  Alla vega ekkert hættulegt sko. 

Bið að heilsa heim. 

Þekkir einhver kvikindið?

  Þetta kvikindi hékk hér inni í bíslaginu þegar ég kom heim úr vinnunni í dag.  Jakk.  Ef þið viljið sjá það stærra þá smelliði á myndina.  Ég held samt að þetta sé ekki fiðrildi. 

Anyone? 

Jahá konur eru klárar

Ella var á golfæfingu dag einn er hún hitti illa við átjándu holu og golfkúlan lenti beint inni í runna.
Þegar hún ætlaði að fara að skríða eftir henni sá hún hvar lítill sætur froskur var fastur í gildru , um leið og hún losaði hann sagði
froskurinn:
Nú færð þú þrjár óskir uppfylltar en ég verð að segja þér frá því að það sem þú óskar þér fær maðurinn þinn tífalt meira af. Ella sem var mjög glöð og hugsaði með sér að það yrði allt í lagi. Fyrsta ósk hennar var að hún yrði fallegasta kona heims. Froskurinn varaði hana við og sagði henni að þá yrði maðurinn hennar einning fallegasi maður heims. Ella hugsaði með sér að það yrði fínt, hún væri hvort sem er fallegasta konan og að maðurinn hennar hefði ekki augun af henni. KAZAM..... og hún varð að fallegustu konu heims.
Annari ósk sinni varði hún í að biðja um að verða ríkasta kona heims. Þá sagði froskurinn : Þá mun maðurinn þinn verða 10 sinnum ríkari en þú.
Ella
svaraði : það er allt í lagi , allt hans er mitt og allt mitt er hans.
KAZAM..... og hún varð ríkasta kona heims.
Þá sagði froskurinn: Jæja þá áttu aðeins eina ósk eftir, hver er hún ?
Ella svaraði: Ég vil fá vægt hjartaáfall.

26.ágúst

Jæja þá höfum við hjónin verið gift í eitt ár í dag     Undarlega fljótt að líða allt saman og mikið búið að bralla.   T.d. byrjuðum við á að fara í brúðkaupsferð til Danmerkur í 6 daga, svo byrjaði ég í nýrri vinnu og Sigrún á nýjum leikskóla á þessu tímabili, keyptum okkur fellihýsi og búin að ferðast slatta og fleira og fleira.  Við héldum upp á daginn í gær eiginlega með því að fá okkur humarpizzu og hvítvín, nammi namm.  

Sigrún keppti á sínu fyrsta frjálsíþróttamóti í gær við Félagslund á Flóamótinu.  Hún var voða spennt og tók þátt í 60 metrunum og langstökki.  Það voru 4 stökk í langstökkinu og henni fór fram í hverju stökkinu á fætur öðru og Unnur frænka hennar var henni innan handar með tæknina hehe.  Hún á náttúrulega ekki langt að sækja hæfileikana skvísan (já NEEEI ekki líta á mig  ) og hún var alveg uppfull af áhuga. 

Búið er að skrá prinsessuna á bænum í fimleika í vetur.  Þurfum að fara eldsnemma á fætur á laugardögum úff og ég sem hélt ég fengi að sofa út um helgar   En jæja það er svo sem ágætt að koma sér bara á fætur og nýta dagana.  Stebbi fær reyndar að fara með henni í fyrsta tímann þar sem ég verð í bústað í húsmæðraorlofi með öðrum góðum skvísum, vúhúúúú    

Er enn að hugsa málið með naggrísinn.  Veit ekki alveg hvort ég sé tilbúin í þetta... þrífa þrisvar í viku, muna að gefa mat og vatn, knúsa og allan þann pakka.  Á stundum alveg nóg með mína og mitt heimili eins og það er.   Sumir hérna eru oft ansi miklir orkuþjófar   hehe.   Reyndar er nú hægt að taka dýrið með sér í ferðalög þannig að þetta ætti ekki að vera svo mikið mál.

Yfrogút

Do you speak English?

Ég lenti í því um daginn að fá 2 túrista í hana Rauðhettu mína litlu   en þannig var að ég og Sigrún vorum að koma úr leikskólanum og fórum á Olís til að taka bensín.  Þegar ég er að ganga inn um dyrnar er ég stöðvuð af einum ferðamanni sem spyr mig:  "Do you speak English?"  Og ég hélt það nú og maðurinn spyr mig hvort ég sé að fara í þessa átt og bendir í áttina að brúnni.  Jú jú ég var á þeirri leið.  Þá segist hann vera með félaga sínum á leið á puttanum inn í Thorsmork og hvort þeir megi fá far á hina bensínstöðina sem er N 1 væntanlega.  "Yes of course" sagði ég bara og sagðist ætla inn að borga fyrst.  Kom svo aftur út og sagði þeim að elta mig   Þeir voru með 2 ansi stóra bakpoka með sér og komst nú annar þeirra rétt svo í skottið á bílnum og hinn fór í fangið á manninum sem settist framí.  Sigrún varð nú hálf hissa á þessu og ég lækkaði í MIKA um leið og við stigum inn í bílinn og ég kynnti dóttur mína og sagði að hún væri mikill MIKA fan  

Nú ég fór að spjalla við þá og þeir sögðust vera frá Belgíu og að þetta væri fyrsti dagurinn þeirra  (þetta var á þriðjudaginn þegar MESTA rigning ever var á Selfossi).  Gaman að byrja fríið svona hehe.  En hverju er svo sem við að búast á okkar yndislega landi öðru en einmitt rigningu og roki.  Þeir ætluðu að byrja á Þórsmörk og fara svo að sjá Þingvelli og Gullfoss og Geysi.  Spurðu mig svo hvort ég mælti með einhverjum stað sem þeir ættu að sjá....  OMG ég fraus náttúrlega og datt ekkert annað í hug en Stokkseyri, muhhaaaaaaa.   Ég sýndi þeim á korti hvar sá ágæti bær er (ef bæ skyldi kalla) og sagði þeim að þar væru ýmis söfn að finna og að fjaran þar væri einstök.  Gleymdi að minnast á humarinn æ æ.  En mennirnir komust með mér á gömlu Esso (er ekki alveg að gúttera þetta ENN EINN) og stóðu allt í einu kviknaktir á planinu þar sem ég náði nú að spyrja þá spjörunum úr   Og við Sigrún brunuðum heim á leið með MIKA í botni...

Suckin´ too hard on your lollipop oh love´s gonna let you down ..... újeeeee