Gamanið búið

Jæja þá er það ljóst - við urðum í 14. sæti   sem mér finnst nú bara nokkuð gott og megum við vera stolt af okkar fólki.  Þau voru rosalega flott á sviðinu og útgeislunin var þvílík og þau gerðu þetta sko að sínu   Nei í alvöru þau voru bara flottust verð ég að segja og þetta blessaða Rússa lag bara prump.  Held svei mér þá að skautadansarinn hafi verið að hala inn stigunum þarna.  Heitir hann ekki örugglega BilUN en ekki BilAN?    Hefði nú frekar viljað sjá Grikkland vinna... ja eða bara Noreg.  Þær voru þrælflottar skvísurnar enda urðu þær í hva....5. sæti er þakki?

Við urðum alla vega fyrir ofan Svíana og er þá ekki bara allt í orden eins og sagt er ?! 

En kjötbolluveislan í Vorsabæ tókst vel með Vorsabæjar-rabarbarasultu og bræddu smjörlíki út á.  Ekki alveg það hollasta svona en come on!!! Hver borðar hollt á Eurovision-kvöldi? 

Það er bara veisla

Jæja þá er bóndinn loksins orðinn húsasmíðameistari   Til lukku með það Stebbi minn  

Útskriftin var í dag og minn maður mætti auðvitað til að taka við skírteininu.  Við Sigrún skruppum í nokkrar búðir á Selfossi eftir vinnu og færðum bóndanum svo gjöf að sjálfsögðu og nú er mín með steik í ofninum, rautt í glasi og blóm í vasa  

Veislukvöld framundan      

 

Ísland verður með

Jæja nú getur landinn heldur betur sest fyrir framan imbann á morgun og fylgst spenntur með því Ísland komst áfram, jibbbbbí.  Ég var úti að borða í gær með nokkrum skvísum af Bakkanum og við fögnuðum heldur betur þegar við fengum þær fréttir að við yrðum með á laugardag. 

Svo nú er bara að hendast í Bónus til að kaupa partýmatinn og í Mjólkurbúðina til að kaupa drykkina og hvetja okkar fólk heima í stofu á morgun

En djö... voru þau flott í gær.  Geisluðu þvílíkt á sviðinu og orkan streymdi frá þeim.  Enda langþráður draumur LOXINS orðinn að veruleika

Með Euro kveðjum Rannveig

E U R O V I S I O N - Seinni forkeppnin

1	Ísland
2	Svíþjóð
3	Tyrkland
4	Úkraína
5	Litháen
6	Albanía
7	Sviss
8	Tékkland
9	Hvíta-Rússland
10	Lettland
11	Króatía
12	Búlgaría
13	Danmörk
14	Georgía
15	Ungverjaland
16	Malta
17	Kýpur
18	Makedónía
19	Portúgal

Svona er röðin í kvöld og ég segi bara  ÁFRAM ÍSLAND

Heja Norge!

Já þetta var bara nokkuð gott í kvöld verð ég að segja.  Finnsku rokkararnir voru náttúrulega bara eins og Iron Maiden þarna á sviðinu með tilheyrandi öskrum og takti.  Ég er ánægð með að Noregur og Finnland komast í aðalkeppnina á laugardaginn og held satt að segja að Noregur verði bara nokkuð ofarlega þetta árið.  Fínt lag hjá skvísunum sem voru hinar glæsilegustu á sviðinu.   

Veit ekki hvort ég get sagt það sama um kynbomburnar frá Armeníu og Grikklandi.  Gríska atriðið og lagið sjálft bara copy/paste af framlagi þeirra ... hvenær var það... þegar Helena söng fyrir Grikkland "you are the one, you're my number one!"  Algjörlega copy paste af því dæmi.  Veit ekki alveg hvort þetta sé málið í ár.  Kynbombur fara þó aldrei úr tísku eða hvað?!?!?

Ísland hlýtur að komast í aðalkeppnina ef lögin verða eins og þau voru í kvöld því langflest laganna var hreinlega ekkert varið í. 

Noregur og Finnland áfram

E U R O V I S I O N - fyrri forkeppnin í kvöld

 Jæja gott fólk þá er fyrri forkeppnin í kvöld og svona er röðin skilst mér:

      1. Svartfjallaland                       
      2. Ísrael                                   
      3. Eistland
      4. Moldavía
      5. San Marino
      6. Belgía
      7. Azerbaijan
      8. Slóvenía
      9. Noregur
    10. Pólland
    11. Írland
    12. Andorra
    13. Bosnía-Herzegóvina
    14. Armenía
    15. Holland
    16. Finnland
    17. Rúmenía
    18. Rússland
    19. Grikkland

Maður verður nú allavega að fylgjast með Noregi og Finnlandi er þakki?!  Skv. Eurovision síðunni hjá BBC þá munu Svíar vinna keppnina í ár, við verðum í 8.sæti og Norðmenn í því 9.  Spurning hvað er til í þessu  

http://news.bbc.co.uk/2/hi/uk_news/7375489.stm  Hér er linkurinn á BBC síðuna

Frábært og löngu tímabært!

Ég varð ánægð þegar ég sá þessa frétt um hugmynd þess eðlis að veita fólki með ólæknandi sjúkdóma sérstakan þjónustufulltrúa sem mun gæta hagsmuna þess og réttinda því eins og flestir kannski vita þá hefur fólk sem veikist með þessum hætti litla sem enga orku til þess að þurfa að þrefa við kerfið til að leita allra sinna réttinda til þess að lifa af.  Ég man það bara þegar ég veiktist (fyrir 3 árum síðan) þá fór öll orka mín í að læra að glíma við sjálfan sjúkdóminn og takast á við lyfjagjafirnar og svo auðvitað að reyna að sinna dóttur minni sem þá var 3 ára.  Ég öðlaðist smám saman orku á ný eftir erfiða og langa lyfjameðferð og ég get vel trúað því að fólk sem fær þau tíðindi að það sé með ólæknandi sjúkdóm öðlist ekki fulla orku á ný   Allavega ekki til að þurfa að glíma við kerfið.  Ég var heppin því ég hef nokkurn veginn fulla orku í dag og trúi því að ég hafi sigrast á sjúkdómnum

Ég var sem betur fer með líf- og sjúkdómatryggingu þegar ég greindist með brjóstakrabbameinið og ég þurfti sem betur fer ekki að þrefa mikið til þess að fá trygginguna greidda.  Enda var það nú frekar ljóst hvers eðlis meinið var.

Þannig að ég segi bara GOTT MÁL Jóhanna!

Athugar stöðu fólks með banvæna sjúkdóma

Nýtt hjól

  Jæja þá er kjellan búin að fá sér nýtt hjól sem er alveg hreint algjör snilld.  Ég skellti mér í Hjólabæ á Selfossi í gær og keypti mér fjallahjól sem er hannað af konu - fyrir konur   Algjörlega frábært hjól í alla staði og ég mæli sko með Hjólabæ.  Frábær þjónusta þar og úrvalið bara ágætt.  Ég endurnýjaði líka hjálmaflotann á bænum svo nú geta allir fjölskyldumeðlimir hjólað saman í sveitinni.  Ég fór strax í gær og hjólaði 4 km (heim að vegamótum að Hamarsvegi) og fannst það nú lítið mál.  Spurning um að fara næst 6 km (heim að Seljatungu og tilbaka) og smá lengja svo leiðina og auðvitað stefni ég á að taka Vorsabæjarhringinn í sumar sem er 10 km.  Fer nú létt með hann sko   Spurning um að hjóla kannski á Selfoss einn daginn en það eru 14 km   Er þá nokkuð annað eftir en að hjóla bara í vinnuna sem eru ca 20 km? 

 

Garðvinna

Miklu er búið að áorka um þessa hvítasunnuhelgi.  Stebbi búinn að missa sig með hekk-klippurnar og ég stormandi á eftir til að hirða allar greinarnar.    Hér er Sigrún í einni greinahrúgunni. 

Svo er ég búin að vera ansi dugleg í blómabeðunum að taka allan dauða gróðurinn eftir veturinn.  Mátti ekki seinni vera að taka þetta því gróðurinn vex ótrúlega hratt þessa dagana.  Hér má sjá fyrir og eftir myndir úr einu beðinu       

Jæja er farin aftur út að gera meira

Mæðradagurinn

Til hamingju með daginn allar mæður landsins og þá sérstaklega

þú mamma mín     Njótið dagsins en það er ég búin að gera. 

Við hjónin búin að vera í garðinum í dag að klippa trén og hreinsa beðin

og taka til.  Allt að verða voða fínt.  Sigrún hjálpaði einnig til  

Ég samdi lítið ljóð til þín mamma í tilefni dagsins og er það svohljóðandi:

MAMMA!

Þú ert mér allt mamma mín.

Þegar ég þarf að spjalla ertu ávallt til staðar.

Bæði þegar ég þarf að létta á mér og spjalla um allt og ekkert.

Dóttur minni ertu einnig allt. 

Hún getur alltaf komið í ömmufaðm og fengið klór á bakið.

Ég elska þig mamma