Aðfangadagur jóla árið 1998

24 ára gömul stúlka bjó í heimahúsum og var að undirbúa jólin með foreldrum sínum.  Hún var ástfangin af 26 ára gömlum sveitapilti og honum skaut oft upp í kollinn á henni þennan daginn sem fyrr.  Það var búið að skreyta jólatréð, verið var að útbúa árlega hamborgarhrygginn og verið að laga sósuna með... rauðkálið sett í skál, maískornin á sínum stað... þá var bankað.  Ástfangna stúlkan fór til dyra og þar stóð hann prinsinn á hvíta "hestinum" (sem var jeppi í þessu tilfelli) og hann stóð þarna í kuldanum með pakka í hendi.  Stóran og flottan pakka.  Stúlkan bauð prinsinum inn en hann var á hraðferð heim í sveitina til þess að geta mjólkað kýrnar með föður sínum.  Jæja stúlkan tók við pakkanum og prinsinn hélt sína leið.  Hún hélt áfram að undirbúa jólin.  Fór og fann til fötin sín... og fattaði þá allt í einu.  Hún hafði gleymt að láta prinsinn hafa sinn pakka     Og klukkan var að verða 6.  Hún var vön að borða kl. 6 með sínu fólki.  En það ræddi ekki um annað en að skutlast með pakkann í sveitina til prinsins.  Hún hentist af stað upp í bíl foreldra sinna, með pakkann í framsætinu, og af stað.  Bankaði uppá í sveitinni en þar kom móðir hans til dyra.  Prinsinn var í fjósinu.  Móðirin tók við pakkanum.  Stúlkan hélt sína leið.

Hún ók nú á löglegum hraða (eins og áður) en klukkan sló 6 á leiðinni til baka.  Og það snjóaði.  Ekta hvítum, stórum flygsum.  Þetta var sko alvöru jólasnjór.  Það var ekki um villst að það voru að koma jól.  Stúlkan var ánægð með að hafa komið pakkanum til skila fyrir jól  

Fjölskyldan settist að borðum í seinna lagi þessi jólin en allt fór vel.  Ekki man stúlkan lengur hvað var í þessum fínu pökkum  

Athugasemdir

[Jóna Á. Gísladóttir, 18.12.2007 kl. 23:17]

Sæt og skemmtileg saga. Ég geri ráð fyrir því að þú sért að tala um sjálfa þig

[Rannveig Bjarnfinnsdóttir, 18.12.2007 kl. 23:22]

Takk fyrir ´

Jú mikið rétt. Erum gift í dag og eigum eina dóttur.

[Þórlaug (IP-tala skráð) 18.12.2007 kl. 23:44]

Æji.....þetta er geggjuð jólasaga... ég táraðist  Þú ert algjört yndi!!

[Huld S. Ringsted, 19.12.2007 kl. 09:11]

Yndisleg jólasaga sem greinilega hefur endað vel

[Sigga K. (IP-tala skráð) 19.12.2007 kl. 10:58]

En rómantísk saga, kemur manni í jólaskapið ;)

Megi þú og þinn sveitapiltur, ásamt dóttur eiga gleðileg jól, vonandi náum við nú að hittast eitthvað um hátíðina.

Sigga Kristjansd.

[Rannveig Guðjónsdóttir (IP-tala skráð) 19.12.2007 kl. 12:52]

Æ hvað þetta er krúttlegt. Bestu jólakveðjur til þín og þinna, nafna.

[Helga R. Einarsdóttir, 19.12.2007 kl. 15:52]

Góð saga, sem væri hægt að hafa lengri: Seinna  varð svo prinsessan sveitadrottning og býr nú í höllinni í sveitinni með prinsinum og litlu prinsessunni.  Hún getur nú dundað við að útbúa jólasteikina á meðan henn er að sinna kúnum, mjólka og gefa þeim extra góða tuggu fyrir jólin.

Þau þurfa ekki lengur að þeytast á milli byggðarlaga  með pakka á meðan klukkurnar í Dómkirkjunni hringja inn jólin.  Hún stendur við eldhúsgluggann í höllinni og rýnir út í logndrífuna í átt að fjósinu. Ætlar hann nú ekki að fara að koma inn, áður en steikin brennur í ofninum? Gleðileg jól.

[Rannveig Bjarnfinnsdóttir, 19.12.2007 kl. 17:15]

Ha ha ha ha... já þessi er góð.  Og bara nokkuð sönn

[svava (IP-tala skráð) 19.12.2007 kl. 23:33]

Æ þetta er æðisleg lesning Rannveig mín og það hefur verið jólalegt að keyra heim úr sveitinni nýbúin að koma pakkanum til skila.  bestu jólakveðjur til þín og þinna knús SVava

[Sandra Dís (IP-tala skráð) 20.12.2007 kl. 01:28]

Ooooo þú ert svo mikil dúlla elsku Rannveig mín Sjáumst fljótlega mín kæra

bið að heilsa í bæinn, kveðja Sandra Dís

[Anna Kolla (IP-tala skráð) 20.12.2007 kl. 23:36]

Æ hvað þetta er krúttleg saga , ég sé alveg fyrir mér þegar þú fattaðir að hafa gleymt að láta hann hafa sinn pakka , bara sætt . Alltaf gaman að svona jólasögum. Gangi þér vel í undirbúningnum og ekki gleyma að pakka inn hans pakka he he . Sjáumst vonandi fyrir jól . Bestu kveðjur í bæinn Kveðja Ko-Kolla.

[gunnur (IP-tala skráð) 21.12.2007 kl. 16:37]

Bara krúttlegt!

Jólaknús í sveitahöllina

[Júlíana (IP-tala skráð) 21.12.2007 kl. 18:23]

Gleðileg jól

 Júliana