Fimleikasýning og afmæli

Fór á svakalega flotta og skemmtilega fimleikasýningu í gær í íþróttahúsi Vallaskóla (heitir það ekki það annars?) og þemað í ár var Konungur ljónanna.  Guðfinna Gunnars las af sinni alkunnu snilld söguna og svo komu hver hópurinn á fætur öðrum með rosalega flott atriði.  Sigrún var í ljónahópnum (þau voru öll í brúnu) og hennar hópur gerði m.a. dans og ýmsar æfingar á gólfi.  Gekk voða vel og var auðvitað mjög flott   Eldri hóparnir eru orðin svo flink að maður gapti bara af undrun.  Þvílíku flikk flökkin og heljarstökkin voru ótrúleg.  Og meira að segja 8 ára krakkarnir með frábæra takta.  Vona að mín verði svona áhugasöm áfram eins og hún hefur verið og muni æfa fimleika um aldur og ævi

Svo var hún Linda okkar heiðruð fyrir frábæran árangur í fimleikum í gegnum árin.  Hún er snillingur stelpan og hún vinnur hjá okkur í Krakkaborg og sér um alla leikfimina þar og krakkarnir ekkert smá áhugasöm og ánægð.  Þau hlakka alltaf jafn mikið til að fara í salinn með Lindu   hún tekur þau í allskyns leiki og æfingar og þrautabrautir og hvað þetta heitir allt.  Við starfsfólkið erum náttúrlega búin að læra fullt af henni

Nú svo eftir sýninguna fórum við í afmæliskaffi til mömmu.  Hún átti afmæli í gær og bauð upp á kræsingar að vanda.  Takk fyrir það mamma mín.  Og pabbi líka því hann hjálpaði nú til við ýmislegt  

Jólakortaskrifin ganga vel og nú skal haldið áfram...  á jólunum er gleði og gaman fúmm fúmm fúmm...

Athugasemdir

[gunnur (IP-tala skráð) 17.12.2007 kl. 08:47]

Jólakortið frá mér er ekki komið til þín í sveitina... þú ert eitthvað að ruglast á skriftum held ég.  Mín að skjóta út rusli núna   Enda myndi ég aldrei henda í þig jólakorti án þess að banka uppá og heimta kaffi og meððíí

jólaknús í krús

[gunnur (IP-tala skráð) 18.12.2007 kl. 19:30]

Dísús, þetta er nú meira jólakorta havaríið!!  Ég er alveg í bunka yfir þessu klúðri, en mikið er ég nú samt glöð að pósturinn í sveitinni sér um sína

hafðu það gott ljúfan