Var að enda við...

... að baka súkkulaðibitakökur.  Nammi namm þær eru ógisslega góðar þótt ég segi sjálf frá   Hver ætlar að verða fyrstur í kaffi og smákökur?  Ja eða alvöru heitt súkkulaði.  Pabbi var að kenna mér einfalda aðferð við að útbúa ALVÖRU súkkulaði í bolla   Jaaahá hann pabbi lumar á ýmsum góðum ráðum get ég sagt ykkur.   Þegar ég eldaði hamborgarhrygg í fyrsta sinn fyrir bráðum 10 árum síðan þá var ég í beinni útsendingu við pabba þegar ég lagaði sósuna.  Og hún varð bara helvíti góð og næstum alveg eins og hjá honum sko

En nú líður að því að fyrsti jólasveinninn komi til byggða.  Þeir tóku nú forskot á sæluna blessaðir á laugardaginn og fórum við og hittum þá litla fjölskyldan.  Við löbbuðum í kuldanum með Svövu og Reyni frá Suðurenginu og börnin voru alveg hreint vitlaus í að tala við sveinana.  Sigrún leitaði að Þvörusleiki út um allt og spurði hvern sveininn á fætur öðrum hvort hann væri Þvörusleikir eða hvort hann vissi um hann   Síðasti sveinninn sem hún hitti var svo loksins Þvörusleikir hehe.  Eitthvað annað en mamma hennar hér um árið.  Say no more!!!

Athugasemdir

[gunnur (IP-tala skráð) 10.12.2007 kl. 10:12]

Myndaskapur alltaf í þér, bakandi og alles!  Hvernig væri að deila þessari góðu uppskrift, eða er hún fjölskyldu leyndarmál? 

Knús í kotið frá DK

[Þóra Hvanndal, 10.12.2007 kl. 21:11]

uhhm væri sko alveg til í að kíkja í kaffi og smákökur...

jólaknús og kram...

Þóra  

[Þórlaug (IP-tala skráð) 10.12.2007 kl. 22:20]

Ummmmm.....þú ert svo mikil húsmóðir elsku kellingin!  Vildi að það væri styttra til þín! Hér er allt á fullu í jólaundirbúningi... jólin nálgast óðfluga!  Vonandi sjáumst við fyrr en seinna... bestu kveðjur í sveitina

[Rannveig Bjarnfinnsdóttir, 11.12.2007 kl. 08:47]

Nei það er sko ekkert leyndó hér.  Ég notaðist við venjulega hjónabandssælu uppskrift frá mömmu og hún er svona:

• 2 bollar hveiti
• 2 bollar haframjöl
• 2 bollar kókosmjöl
• 1,25 bolli sykur
• 2 tsk natron (matarsódi)
• 1 tsk salt
• 2 egg
• 250 g lint smjörlíki
• 1 plata suðusúkkulaði brytjað

Öllu hnoðað saman og búnar til litlar bollur og settar á plötu og inn í 200°c heitan ofn í ca 10-15 mínútur.  Fer svolítið eftir ofninum en þær eiga að verða ljósbrúnar.  Það verður að passa að baka þær ekki of lengi.

Mjög einfalt en óggggisssslega gott