Lyfjabrunnurinn farinn

Jæja fór í bæinn í dag í þessu líka blíðskaparviðri.  Hélt satt best að segja að ég myndi fjúka útaf á Rauðhettu litlu.  En hún stóð af sér veðrið litla hetjan

Ég fór sem sagt í bæinn til að láta taka lyfjabrunninn.  Fékk hringingu frá landsanum í gær og ég var spurð að því hvort ég gæti komið strax daginn eftir.  Ég ákvað bara að drífa í því áður en ég byrja í nýju vinnunni sem er á mánudaginn.  En þetta gekk allt saman mjög vel og tók innan við klukkutíma.  Ég var staðdeyfð og það þurfti nú 2x að bæta í deyfinguna því ég fann til þegar hnífurinn var mundaður á skurðinn.   En svo fór aðaltíminn í að klippa vefi utan af brunninum því hann var búinn að festa sig ansi vel þarna.  Eins og hann væri bara kominn til að vera.  En svo var saumað fyrir og fann ég nú ekkert fyrir því.  Ég fékk að skoða brunninn og hann var ótrúlega stór fannst mér og þvílíkt löng slanga sem var svo tengd við bláæðina.          Nenni ekki meir í bili.  Er þreytt

Góða helgi alle hjupa!

Myndin er tekin á Zagabone á Istegade þegar við hittum Þóru í Denmark.  Geggjaður drykkur þessi rauði.   Það eru fleiri myndir komnar inn úr Danmerkurferðinni.

Athugasemdir

[Þóra (IP-tala skráð) 12.9.2006 kl. 09:27]

Skáááál... Takk enn og aftur fyrir síðast, já hann var sko geggjaður þessi "drykkur" (eða kanski ættum við fekar að kalla þetta "slush ice")
Gott að vel gekk að fjarlægja lyfjabrunninn!! og vonandi gengur þér vel í nýju vinnunni;o)
Það er svo brjálað að gera í skólanum hjá mér að ég hef ekkert mátt vera að því að skrifa færslu eða maila;o( en geri ráð fyrir að það lgist þegar ég er komin betur inn í alla hluti!!
Knús og kossar til ykkar allra frá Denmark;o)
Þóra

[Íris Böðvarsdóttir (IP-tala skráð) 13.9.2006 kl. 21:16]

Hæ hæ
Frábær mynd af ykkur. Lýst ekkert smá vel á þennan rauða. Gott að þú sért laus við lyfjabrunninn og gangi þér rosalega vel í nýju vinnunni.
Bestu kveðjur úr sveitinni
Íris

[Rannveig Ágústa Guðjónsdóttir (IP-tala skráð) 15.9.2006 kl. 15:40]

Til lukku með að vera laus við lyfjabrunninn, gangi þér alltaf allt í haginn, þín nafna.