Home sweet home

Jæja þá erum við komin heim úr sældinni í Danmörku og búin að hafa það ógeðslega gott   Fórum á hinn margumtalaða Reef n'beef (ástralskur veitingastaður) og þar fengum við okkur kengúrukjöt og krókódílakjöt eða fisk... hann líkist helst skötusel að mínu mati og var alveg rosalega góður.  Nú svo var súkkulaðieftirrétturinn sem Stebbi fékk sjúklegur.  Það voru 5 tegundir af súkkulaði í hinum ýmsu myndum.  Og auðvitað klikkaði ástralska rauðvínið ekki frekar enn fyrri daginn.

Já við hittum auðvitað Þóru og Andra og stelpurnar og svo Bryndísi og Ása.  Fengum okkur Frozen Daqurie (hmmm... kannski ekki rétt skrifað) sem er sjúklega góður "drykkur" en hann verður eiginlega að drekkast með skeið því hann er svona krap.  Skelli inn myndum við tækifæri af þessum herlegheitum.

Fórum svo á laugardaginn í kokteilboð með Þóru og Andra og hittum þar Bryndísi og Nikolaj (gæinn hennar) en hann vinnur á kaffihúsinu sem boðið var haldið.  Við hittum líka Hafstein bróðir Bryndísar og vin hans og sátum og spjölluðum, sögðum sögur (aðallega Bryndís þó  ), drukkum Mojito, bjór, GAJOL, bjór og GAJOL.  Skemmtum okkur konunglega þarna í kóngsins Köben  og djömmuðum fram á nótt.  Tókum svo reiðhjólataxa heim á hótel sem var hin mesta skemmtun.  En það er hjól með vagni framan á sem 2 geta setið í og það er skyggni yfir og svo hjólar "leigubílstjórinn" af stað.   Ótrúlega gaman að sitja í þessu og við fórum frá kaffihúsinu og á Kongens Nytorv og niður strikið og út á Ráðhústorg og á Vesterbrogade þar sem hótelið var.  Gaurinn sem hjólaði með okkur er fátækur námsmaður og vinnur svona fyrir sér.  Frekar skondið atriði. 

En við erum sem sagt komin heim og það var yndislegt að leggjast í rúmið sitt eftir laaanga ferð heim en við fórum til Gumma og Mie sem búa í Hvidovre (úthverfi Köben) um hádegið í gær og þau buðu okkur upp á danskt smörrebröd og bjór og svo var tekinn laaangur og skemmtilegur túristarúntur á norðanverðu Sjálandi.  Sáum m.a. slottið hjá Mary og Frederik og by the way þau báðu að heilsa ykkur öllum   Fengum svo Frikadellur í kvöldmat og fórum síðan í loftið kl. 21.30 og lentum kl. 00.30 að dönskum tíma (22.30 að ísl.) en fengum að dúsa í rúman hálftíma í vélinni eftir lendingu því rampurinn var eitthvað bilaður   þannig að við vorum orðin ansi ferðalúin þegar við komumst loksins heim.

Skrifa svo seinna um læknaferðina mína í dag til Óskars.

Athugasemdir

[Þóra (IP-tala skráð) 4.9.2006 kl. 19:53]

Hæ elskurnar velkomin heim og takk æðislega fyrir síðast, þetta var ekkert smá gaman, ég meina á hvaða flugu steig ég og drap;o)
Tek þig á orðinu með að við höldum kokteilparty með frozen daquaries (heldur ekki viss hvernig er stafað) næst þegar ég kem til landsins;o)
þaðheldégnú!!
Knús og kossar til ykkar allra
Þóra bauni

[Guðrún Bjarnfinnsdóttir (IP-tala skráð) 4.9.2006 kl. 22:04]

Velkomin heim elsku dúllurnar mínar ég sé að þið hafið skemmt ykkur vel.
Kveðja Gúa syss og co.

[Guðfinna (IP-tala skráð) 4.9.2006 kl. 22:36]

Hæ hæ. Takk kærlega fyrir síðast. Þetta var nú ekkert smá fjör og gaman að taka þátt í þessum degi með ykkur. Ég var að skoða myndirnar og sá þá mynd af honum Starkaði - hvernig tengist hann ykkur?? Hann var nefnilega hjá sömu dagmömmu og Jason og Jason er þvílíkt búinn að tala um hann - fyndið að sjá hann alltíeinu á síðunni. Kv.Finna

[svava (IP-tala skráð) 5.9.2006 kl. 21:31]

Hæ hæ og velkomin heim og takk fyrir kaffisopannn í dag og tala nú ekki um glaðninginn dúlla mín. Sjáumst knús Svava

[Lilja (IP-tala skráð) 6.9.2006 kl. 12:49]

hæ sæta og velkomin heim.
Mikið rosalega skemmti ég mér vel í brúðkaupinu. Agalega gaman alveg hreint. Já og Skúlinn líka, skilur ekkert í því að við skulum ekki vera í meira sambandi við þetta fólk...heheh. Nema hvað.... gott að þig skemmtuð ykkur vel og nutuð ykkar í DK. heyrumst fljótt, Lilja litli ljósálfur