Það er blíðan

Þá er heyskapur loksins hafinn fyrir alvöru hér á bæ, menn slá og snúa á fullu  já og rúlla og pakka og hvaðeina.  Þá loksins það kom þurrrrrkurrrr!!!! 

Fór í lyf í gær sem gengu nú bara vel.  Ég fékk nú einhverjar sjóntruflanir á miðvikudaginn og vegna þess vildi Óskar að ég færi í heilaskann svona til öryggis í gær.  Hann vill bara útiloka að um meinvarp í höfði sé að ræða.  Ég fór sem sagt í sneiðmynd af höfðinu á mér og það var sprautað einhverju skuggaefni inn í æðarnar á mér.  Það er gert til að þeir sjái æðarnar í höfðinu betur þegar lesið er úr myndunum.  Fæ væntanlega að vita niðurstöðurnar í næstu viku.   Ég var nú alveg hissa að það var hægt að finna góða æð í handleggnum til að stinga í því ég hélt að þetta væri nú alveg uppþornað þarna síðan í fyrra     því æðarnar þar eru ennþá innfallnar og harðar viðkomu sökum álags áður en ég fékk brunninn í fyrra.  Það mátti nefnilega ekki setja þetta skuggaefni inn í brunninn vegna .... einhvers     En það eru bara 3 lyfjagjafir eftir  og þá er ég búinnnnnnnn  ....  JIBBÍ JEI........... 

Við Sigrún kíktum á Sprotann við Landsbankann á Selfossi í dag í góða veðrinu.  Það var gott að komast í góðan göngutúr á Selfossi og það var mikið af fólki í bænum.  Allir á leið í ferðalag með fellihýsin sín  Við löbbuðum líka í Reyrhagann og fengum kaffi hjá nöfnu.  Takk fyrir kaffið og "borðskrautið" hehe  

Það eru komnar nokkrar nýjar myndir af prinsessunni á heimasíðuna hennar fyrir þá sem nenna að skoða.  Svo erum við mæðgur á leið í bústaðinn hjá mö og pa á morgun og ætlum að gista eina nótt.  Það verður nú bara ljúft að láta líða úr sér í heita pottinum.........  aaaahhhh

Góðar stundir allir sem einn

Athugasemdir

[Gunnur (IP-tala skráð) 8.7.2006 kl. 19:05]

Ohh væri ég til í að komast í eins og einn heitan pott... en enginn slíkur lúxus hér! Hafið það súper gott í bústa og njótið heita pottsins vel og extra vel fyrir mig ;-)
Knús úr hitanum, Gunnur

[Rannveig Ágústa Guðjónsdóttir (IP-tala skráð) 11.7.2006 kl. 20:06]

Takk fyrir komuna elskurnar, gaman að fá ykkur mæðgur í heimsókn. Bestu kveðjur, þín nafna.