Afmæli

 Hann á afmæli í dag - hann á afmæli í dag - hann á afmæli hann PABBI.  Hann á afmæli í dag     Til hamingju með daginn pabbi minn.

Í gær fór húsbóndinn á bænum inn að Vatnsfelli að ná í jeppa sem hafði farið niður um ís.  Já þær eru margar björgunaraðgerðirnar sem þarf að sinna og hér fylgja nokkrar myndir af þessu. 

    

Veikindi

Ekkert sérlega skemmtilegur dagur í dag   við hjónin vöknuðum upp við það í nótt að Sigrún var að gubba.  Hún gubbaði aðeins í nótt og svo aftur í morgunn.  Svo hélt ég að hún væri að hressast áðan, var farin að hoppa og skoppa um stofuna og farin að stríða mér eins og henni einni er lagið en nei nei... þá kom enn ein gusan.  Ísinn og saltkexið sem hún hafði komið niður í morgun kom bara sömu leið til baka.  Jakk.  Og ekki bætir úr skák að mamman er með hálfgerðan niðurgang svo það eru tómir lasarusar á þessum bæ   Frekar fúlt að byrja helgina svona. 

Mæli með því að þið skoðið Gluggann eða Dagskrána því þar tróna þau á forsíðum beggja blaðanna (Já þetta er forsíðufrétt )  með litlu prinsessuna og stóra duglega bróður hennar.  Rosalega flott öll og taka sig bara vel út.  OOO svo gaman að þessu.  Þið getið séð þetta á www.sudurglugginn.is ef þið komist ekki í blöðin.

En ég fór í eftirlit til Óskars í gær.  Það lítur allt vel út og blóðprufurnar voru góðar.  Ég á að hitta hann aftur eftir 3 mánuði.  Vona bara að ég þurfi ekki að fara til hans fyrr.  Hins vegar þarf ég að fara á mánaðarfresti í þessa Zolotex-sprautu.  En það er nú ekkert miðað við allt og allt.  Reyndar alveg hnausþykkri nál stungið í magann á mér og það er lítið hylki inni í sprautunni sem er skotið inn í magann og það eyðist upp á 28 dögum.   Þetta er gert til að hindra blæðingar og þá starfsemi frá eggjastokkunum... því krabbameinið var jú hormónatengt og þess vegna þarf að bæla niður alla hormónastarfsemina hjá mér næstu 5 árin   Þessar töflur sem ég þarf að taka inn líka eru einnig hormónabælandi.

En nóg um það.   Best að fara að horfa á Pocahontas með prinsessunni.... Villimenn villimenn...!!!  þú veist hvert leiðin liggur barn.  Farðu eftir henni!

G L E Ð I L E G T Á R

Góðan daginn kæru vinir og gleðilegt nýtt ár.  Og hjartans þakkir fyrir bloggið á síðasta ári

Við fjölskyldan fórum í sumarbústað foreldra minna um áramótin og fögnuðum nýju ári með þeim.  Einnig fengum við nokkra gesti úr sumarbústað í Grímsnesinu.  Þetta var hin besta skemmtun fyrir okkur sem héldumst vakandi að minnsta kosti.  Sigrún var sofnuð fyrir skaup þannig að hún missti af aðalfjörinu og gestunum líka   Hún var ekkert sérlega glöð þegar hún vaknaði á nýársmorgunn.  Það fyrsta sem hún sagði var:  "Mamma af hverju sá ég engar sprengjur"  Hún varð bara sár stúlkan þannig að við ákváðum að halda smá mini-áramót hér á hlaðinu í gær   Það eru komnar nokkrar myndir hér inn frá því og líka frá áramótagleðinni okkar í bústaðnum. 

En Áramótaskaupið já... eigum við eitthvað að vera að fara út í þá sálma hér   Frekar glatað skaup að mínu mati og ansi unglingatengt.  Mikið af gríni af Sirkus (sjónvarpsstöðinni fyrir fávísa Íslendinga sem fylgjast lítið með, hehe) og bara slappt grín í flesta staði.  Gervin voru ekki nógu sannfærandi fannst mér... átti þetta til dæmis að vera Árni Johnsen þarna...???  Ég var ekki að skilja megnið af þessu allavega.  Mér heyrist margir í þjóðfélaginu vera á sama máli.  Kannski er íslenska þjóðin bara orðin húmorslaus

Hinn skemmtilegi atburður átti sér stað á nýársmorgunn að Svava vinkona mín eignaðist stúlkubarn um níuleytið.  Óska ég þeim innilega til hamingju með nýja fjölskyldumeðliminn og hlakka ég ekkert smá til að sjá litlu snúllu.  Fæðingin gekk fljótt og vel fyrir sig og öllum heilsast vel

Kveð að sinni.

Allt eðlilegt

Komiði sæl   

Fór í beinþéttnimælingu í morgun og það gladdi mig mjög að beinin mín líta eðlilega út     og ég er því ekki með beinþynningu.  Mjög ánægjulegt. 

Við fjölskyldan fórum á jólaball í Félagslundi á annan í jólum og skemmtum okkur konunglega.  Sigrún var mjög hrifin af jólasveinunum sem komu.  Það voru þeir Skyrgámur og Þvörusleikir.  Hún lenti nú bara á léttu spjalli við þá og það vottar ekki fyrir neinni hræðslu hjá henni í þeirra garð.  Hmmm eitthvað annað en hún móðir hennar þegar hún var barn     Ég var skíthrædd við þessa blessuðu skelfilegu rauðklæddu verur sem hlupu um eins og vitleysingar með þvílíkum látum að annað eins hefur varla sést í háa herrans tíð.  Já kjarkurinn er eitthvað meiri hjá prinsessunni.

Læt fylgja með nokkrar myndir af jólaballinu       

Jólakveðja

   

Gleðileg jól kæru landsmenn til

sjávar og sveita, vejo vejo!!!

Hafið það gott um jólin og

 borðið yfir ykkur af reyktu kjöti

 og konfekti og liggið á

meltunni svo þið getið varla

staðið upp aftur     Bestu

kveðjur RB    

Þorláksmessa~gleðifréttir :o)

Ég verð nú bara að tilkynna ykkur þær gleðifréttir að við fengum 4 rétta í lottóinu um daginn   Við erum með áskrift og höfum verið með hana í þónokkra mánuði en aldrei unnið neitt þannig að ég var búin að heita því að hætta með áskriftina ef við ynnum ekkert á einu ári.  Held ég haldi þá bara áfram með hana núna   Við unnum á afmælistölur Stebba og Sigrúnar og fæðingarár Sigrúnar.  Ekki slæm jólagjöf þetta.  Reyndar ekkert stór upphæð en hey!  Það munar um minna ekki satt.

Við Sigrún skruppum í Nóatún í gær og þurftum að leggja niðri á planinu við Tryggvaskála.  Þá vildi skvísan endilega skoða Ölfusána og ég greip myndavélina með mér og náði nokkrum myndum af áni á meðan var ansi hátt í henni.  Þó ekki eins mikið og deginum áður þar sem flæddi inn á bílaplanið og í kjallara Nóatúns.  En svona var þetta sem sagt í gær 22.des. um þrjúleytið     Þið getið séð fleiri myndir í albúmi hérna sem heitir vetur 2006-2007. 

Ætlum annars í skötuveislu í dag í Þjórsárver.  Nammi namm... við fengum líka skötu í vinnunni í gær og hún var vel kæst.  Frekar gott með miklum skræðum

We wish you a merry christmas...

Jæja þá er nú blessuð tengingin hjá okkur komin aftur í lag   búið að vera bilað í 5 daga.  Það endaði á því að við fengum viðgerðarmann frá Emax til okkar og hann kippti þessu í lag á korteri kallinn   Einhver bilun í sendinum skilst mér.  Hvað sem það nú þýðir, heh!!!  

En jæja nú mega jólin bara koma held ég ... mín búin að fá sér rauðvínið með steikinni, Grýlukanilkaffi (sem ég mæli sérstaklega með svona á jólunum... alveg ótrúlegur jólailmur af því og bragðið hreint lokkandi )  nú og búið að leggja lokahönd á jólagjafirnar hér á bæ.  Bara eftir að pakka fáeinum gjöfum inn og þá er þetta komið.  Ég náði að senda jólakortin... vona að þau komi til ykkar fyrir jól  

Auglýsi hér með eftir eiginmanni mínum.  Hef ekki séð hann síðan síðdegis í gær og þá í mýflugumynd.  Hann er eitthvað að stússast í þessum flóðum upp um allar sveitir með BFÁ væntanlega.  Og fylgjast með Ölfusánni eins og hálfur bærinn.  Ja ef það er ekki bílaumferð um Selfossbæ vegna jólanna þá er það vegna flóðanna og fólk að athuga hvort það sé nú ekki eitthvað að hækka í ánni.  Það hlýtur nú að vera komið aðeins meira upp á bakkann núna en fyrir hálfri klukkustund.  Svei mér þá - alla mína daga.

Vona að þið hafið það gott þarna úti í rokinu.  Hér blæs inn um öll hugsanleg göt  og ég held ég þurfi bara að fylla í þau.  Ég meina það!

GLEÐILEG JÓL ANNARS  

Kúadella hvað, oj oj oj

Má til með að skella inn nokkrum myndum af því sem kallinn minn var að brasa við í vikunni.  Agalega skemmtilegt djobb... og lyktar svona líka vel     Hér er verið að bjarga kúm frá drukknun í sínum eigin skít!

  Spennandi að kafa þarna.    Þær komu upp heilar á húfi greyin.

En hér gengur lífið annars bara vel.  Jólaundirbúningur á fullu   og húsmóðirin þurrkar af og þrífur  ... allt fyrir mig (syngur Stebbi )  á milli þess sem hún spjallar á msn og föndrar jólakortin.  Mér finnst svo gaman að föndra kortin að ég gef mér ekki tíma í að setjast niður og skrifa í þau   Þannig að þið vitið þá ástæðuna fyrir því ef þið fáið ekki jólakort frá okkur í ár. 

Prinsessan er sofnuð og hefur ekki sofnað svona snemma í laaaangan tíma.  Það er aðeins hægt að nota jólasveinana núna sem ástæðu fyrir því að fara snemma upp í rúm því ekki vill hún að sveinarnir fari framhjá án þess að stoppa.  Hún hefur nú verið mis-ánægð með gjafirnar frá sveinka.  Frá Stekkjastaur fékk hún þessa líka fínu jólaenglanælu með ljósi sem blikkar og allt   mamman voða glöð.  En skvísan sagðist bara ekkert þurfa svona ljós.  "Mamma sérðu ekki að það er fullt af ljósum hérna" sagði hún og benti á jólaseríuna sem hangir í herberginu hennar   Já það getur verið erfitt að gera öllum til hæfis, hmmmm!

Jólakveðja R

Engin aðgerð...

Það var nú ekkert stungið á augun í dag   Skurðlæknirinn sagði að táragöngin mín væru hreinlega bara ónýt og það eina sem hann gæti boðið mér upp á væri að gera viðameiri aðgerð sem krefst svæfingar og innlagnar í um 2 daga á LSH.  Þá þarf að setja í mig einhvers konar glerkubb   og tengja svo gerfitáragöng við hann þannig að tárin leki rétta leið.  Hann sagði að um 50-60% þeirra sem færu í þetta yrðu yfir sig ánægðir með þetta en það væru líkur á að ég fyndi alltaf fyrir þrýstingi á milli augnanna (þar sem kubburinn mun verða settur) því þetta er jú aðskotahlutur.  Hins vegar miklar líkur á að þetta lagist að fullu.  Ég spurði hann bara hvenær ég ætti að mæta   En þetta er víst ekki alveg svona einfalt.  Það er víst BRJÁLAРað gera hjá honum svo að ég kemst ekki að fyrr en í fyrsta lagi í febrúar eða mars.  En það verður sjálfsagt þess virði að bíða....

Svo fór ég í beinaskanna í gær út af bakverkjunum sem ég hef fundið fyrir.  Ég fékk niðurstöðuna í dag og það bendir ekkert til þess að um meinvörp séu að ræða   þannig að það er mikill léttir.  Hins vegar eru slit í beinunum sem sást í skannanum en til að kanna beinin betur þarf ég að fara í beinþéttnimælingu.  Ef það kemur í ljós að um beinþynningu sé að ræða hjá mér þarf ég að fá lyf við því sem er gefið í æð á göngudeildinni.  Einhvers konar uppbyggingarlyf fyrir beinin.  Töflurnar sem ég er á (Aromasin) geta sem sagt valdið beinþynningu. 

Já það er margt í þessu.  Engin lyf eru aukaverkanalaus þannig að það er alltaf eitthvað sem tekur við af öðru.  Og af því að ein lyfin geta valdið beinþynningu þarf annað að koma á móti til að reyna að hindra hana...  Æ það verður bara gott þegar þessi 5 ár verða liðin og ég laus við öll lyf... (Krossa fingur).  Eða það er allavega takmarkið.

Kveð að sinni   

 

Alvöru kvennaferð

Jæja er nú komin heim úr þessari líka bráðskemmtilegu kvennaferð til Heidelberg í Þýskalandi.  Við þrömmuðum göngugötuna nokkrum sinnum... sem er 1,6 km. að lengd takk fyrir.  Vinsælasti drykkur ferðarinnar var án efa hið þýska Glühwein   sem er heitt jólaglögg og var hægt að bæta það með rommi eða einhverju álíka spennandi.  Ofsa gott á röltinu á milli jólabásanna.  Maður kaupir sér glögg í könnu og getur svo skilað könnunni og fengið þá hluta af peningnum til baka.  Okkur fannst nú ekki taka því.  Við vildum auðvitað eiga allar könnurnar og takmarkið hjá okkur var að safna í 12 manna könnusett   Það má engu muna en að það hafi tekist.    Jóladótið var svo ekkert smá flott.  Ég hef nú aldrei á ævi minni séð jafn mikið úrval af fallegu jólaskrauti.  VÁ.  

Snjóboltarnir klikkuðu heldur ekki.    Þeir eru MUN stærri en mig hafði órað fyrir.  Ekki séns fyrir eina manneskju að torga einum bolta í einu og sömu máltíðinni... ja maður þarf þá að vera mikið svangur.    Bratwurst var líka etið af mikilli lyst og list ... eða þannig.  Sumar pylsurnar voru nú lengri en augað eygði svei mér þá.   Fórum líka að skoða kastalarústir   efst uppi í borginni.  Þaðan var náttúrulega ótrúlega flott útsýni yfir borgina.     Inni í kastalanum var svo þetta líka ferlíki sem var einu sinni bjórtunna.  Tekur litla 222.000 lítra.    Við náðum nú ekki að klára úr henni

Svo fórum við í Rothenburg ob der Tauber sem er 12.000 manna bær og er frá miðöldum.  Þar voru svakalega flottar jólabúðir og stór jólamarkaður í litlum básum út um allt.  Í Rothenburg minntu húsin nú bara á gömlu Playmo húsin hans Bjögga bróður hennar Svövu sem við lékum okkur svo mikið með í denn       En þetta var sem sagt frábærlega vel heppnuð ferð og bráðskemmtilegir ferðafélagar

Ég er að fara á morgun að láta stinga á augun aftur.  Það á að reyna að opna táragöngin aftur... spurning hvort ég lagist eitthvað af þessu táraflóði sem ég er orðin aaaaansi leið á   So wish me luck beibs.  Förum svo á jólahlaðborð á Geysi á laugardaginn með vinnunni. 

Þangað til næst.  Yfir og út!