Gleðilegan skyr-dag

Hjá okkur í Vorsabæ er hinn svokallaði skyr-dagur í dag   þar sem við ætlum að hafa skyr í matinn í hádeginu.  Ok ok ég veit að það er skírdagur en okkur finnst bara þokkalega flott að hafa skyrdag líka.  Við fögnum bara báðum dögunum.

Ég fór í lyf í gær þar sem dagurinn í dag er rauður og allt er lokað.  Það gekk bara glimrandi vel og ég hef aldrei verið svona snögg í lyfjagjöf áður.  Ég hringdi á undan mér á göngudeildina þannig að lyfið var komið þegar ég mætti á svæðið.    Ég var kominn inn um 11.30 og búin kl. 12.15.  Það var tekin blóðprufa, lyfið sett strax upp og svo fékk ég solotex líka.  Þetta tók ekki nema 45 mínútur.  Ég hinkraði ekki einu sinni eftir niðurstöðunum úr blóðprufunni þannig að ég veit ekkert hvað ég var há í hvítu blóðkornunum eða neitt.   Já maður er bara orðinn temmilega kærulaus á þessu öllu saman.  Æ það er ágætt held ég.  Það skiptir reyndar ekki máli hvað ég er í hvítu varðandi þetta lyf því það hefur engin áhrif á þau.  Solotex er sprauta sem ég fæ 1x í mánuði og fæ ég hana til þess að fara á "breytingarskeyðið" þ.e. hún stoppar blæðingar.  Það er nauðsynlegt í mínu tilfelli þar sem ég var með hormónatengt krabbamein. 

Það getur vel verið að ég hafi verið búin að skýra frá þessu hér áður en það verður bara að hafa það   þar sem minnið mitt er orðið að gullfiskaminni.  Það tala margir um það sem fá krabbamein hvað minnið þeirra versni við það.  Það er sjálfsagt tengt áfallinu á einhvern hátt og þeim doða sem maður verður fyrir.  Maður verður líka allur einhvern veginn "meira út úr heiminum" ef þið skiljið hvað ég á við.   Æ ég skal hætta að bulla núna.

Við stefnum að því að taka lífinu rólega næstu daga og njóta þess að sofa út og horfa á barnaefni, fara í göngutúra, leika í kofanum, fara í matarboð, kíkja kannski í heimsóknir og svona.  Já er þetta ekki bara frekar rólegt?   Annars ætlar Stebbi nú að vinna "aðeins" þar sem hann fer að byrja á nýja húsinu í Brandshúsahverfinu hér í Gaulv.hr.  Hann er að grafa fyrir í dag og svo er stefnan að keyra í í dag eða á morgun.  Held að tengdó geri það.

Jæja þetta er orðið gott.  G O T T H!!!!  Læt fylgja með eina páskamynd af liljunni minni sem ég keypti í Blómavali og því segi ég bara...

  G L E Ð I L E G A   P Á S K A 

Athugasemdir

[Gúa syss (IP-tala skráð) 13.4.2006 kl. 21:00]

Rosa flott síða. Kv. GUA syss

[Anna Kolla (IP-tala skráð) 13.4.2006 kl. 21:25]

Flott nýja síðan til hamingju með hana, skyr eða skír -dagir kanski bara bæði skyr á skírdegi er ágætt. Hafið það gott um páskana ,hittumst kanski .Hver veit .Kveðja Anna Kolla sem er að passa Golíat.