Á árinu 2007...

... var margt brallað hjá okkur litlu fjölskyldunni.  Við keyptum okkur fellihýsi og lögðum af stað í leiðangur síðasta sumar.  Fórum m.a. á Akureyri á 17.júní, á Snæfellsnesið, við Langavatn á ættarmót, í Húnavatnssýsluna, Þjórsárdalinn um Verslunarmannahelgina... já og í laugardalinn ekki má gleyma því.  Fyrsta útilegan okkar í nýja fellihýsinu var í Laugardalnum   Vorum þar innan um fullt af útlendingum og tókum rölt í gamla hverfinu okkar því ég bjó nú einu sinni á Laugarnesveginum.

Á árinu fór ég líka í 2 augnaðgerðir.  Sú fyrri sem gerð var rétt fyrir páska heppnaðist ekki nógu vel þannig að önnur var gerð í október og heppnaðist ljómandi vel.  Rörið sem sett var í vinstra augað helst á sínum stað og virkar eins og það á að gera.  Vonast ég til að hægra augað verði tekið í kringum páskana nú í mars   þá losna ég væntanlega alveg við bréfþurrkurnar

Við fórum ekkert til útlanda á síðasta ári en munum væntanlega öll bæta úr því þegar við förum til Kanarí í febrúar   Einnig fer ég í kynnisferð á vegum leikskólans í apríl til Danmerkur og svo er jafnvel enn ein ferðin á planinu með haustinu... nánar um það síðar.

Ég hélt áfram að fara 1x í mánuði á Landsann í lyf, eitt í æð og eitt sprautað undir húðina.  Núna fer ég á þriggja mán. fresti og vonast ég til að ég fái að halda því.  Ég fer í beinþéttnimælingu nú í janúar og þá kemur í ljós hvort ég þurfi að halda áfram á beinstyrkingarlyfinu. 

Svo tókum við að okkur eitt stykki kött.  Hann er yndislegur og algjör kelirófa og það gengur mjög vel með hann.  Stækkar og stækkar... á alla kanta.

Árið 2007 var okkur á heimilinu nokkuð gott myndi ég segja.  Vorum öll hraust og hress og það er nú fyrir mestu ekki satt?! 

Athugasemdir

[Begga (IP-tala skráð) 2.1.2008 kl. 17:53]

Já það er ótrúlega margt sem er brallað á þessum árum.... ;0)

Ætlaði bara að láta vita af heima/flakk síðunni hjá mér og Auði, þar sem við ætlum að reyna að vera duglegar að skrifa um það sem á daga okkar drífur í fjarlægum löndum.... ;0)

www.ferdalangar.net

Bið að heilsa í sveitina ;0)

[Helga R. Einarsdóttir, 2.1.2008 kl. 20:35]

Einu sinni fékk ég ( eða við) mér kött. Sagan um hann er held ég eina sagan sem ég myndi aldrei birta. Kv. og gleðilegt ár.

[Sædís Ósk Harðardóttir, 2.1.2008 kl. 23:54]

Gleðilegt ár elsku Rannveig

[Þóra Hvanndal, 4.1.2008 kl. 20:01]

Gleðilegt ár elskan mín...

og knús til ykkar allra... frá okkur öllum...

hef samb. fljótl. með fréttir af heimflutningi og fleiru...

knús og kram

Þóra