Harðskafi

Ef þú hefur ekki lesið Harðskafi e. Arnald Indriðason og ætlar að lesa hana þá skaltu hætta að lesa HÉR!  Ég er búin með hana en ég fékk hana í jólagjöf frá Stebba og Sigrúnu.

Ég verð nú að segja það að hver bókin á eftir annarri (e. AI) er þannig að maður lætur hana ekki svo auðveldlega frá sér.  Maður vill vita hvað gerist næst... hverju kemst Erlendur að.  Og eins vill maður vita hvort hugmyndir manns sjálfs séu þær sem gerast í raun og veru.

Þannig var það með Harðskafi.  Mér datt það nú fljótlega í hug þegar ég las bókina að sjálfsmorð Maríu var ekki allt þar sem það var séð.  Auðvitað ekki því þá væri engin spennusaga í uppsiglingu   Það komu þarna lögreglumenn á Selfossi að rannsókninni í upphafi og ég sá auðvitað alltaf fyrir mér ákveðinn ungan lögreglumann í lögreglunni á Selfossi  en mér fannst bókin þó fara rólega af stað.  Svo komu þarna kaflaskil þar sem ég reyndi að lesa mig inn í nóttina en gat það ekki sökum syfju... og einu sinni þurfti ég meira að segja að lesa aftur nokkrar blaðsíður þar sem ég hef verið nánast sofnuð þegar ég las þær

En ég sá það fljótlega að Baldvin og Karólína hlytu að hafa eitthvað á samviskunni.  Hún sem miðillinn Magdalena og hann læknirinn sjálfur gat gert ótrúlegustu hluti.  En að helvítis fíflin skulu hafa komist upp með það sem þau gerðu...   AARRRRGGGHHH.  Mér fannst ótrúlegt að María hefði hengt sig sjálf þegar Erlendur var að tala við Baldvin í sumarbústaðnum en svo kom það líka á daginn.  Helv.... stuðtækið var ónýtt og auðvitað setti hann hana í snöruna helvískur.  

En jæja þetta var heljarinnar spennusaga sem maður gleymir sér algjörlega við að lesa

Athugasemdir

[svava (IP-tala skráð) 5.1.2008 kl. 12:17]

best að fara að lesa þessa bók!   kv SVava

[Þórlaug (IP-tala skráð) 6.1.2008 kl. 12:32]

Sæl vinkona og gleðilegt ár!  Þessa bók fékk ég einmitt líka í jólagjöf, frá Laugaborg;)  Já hún er ÆÐI!  Ég gat ekki hætt að lesa hana, las út í eitt þangað til að hún var búin.  Arnaldur er algjör snillingur, heldur manni alveg við efnið frá fyrstu blaðsíðu.  Vona að þú og þínir hafið haft það gott um jólin.  Hlakka til að sjá ykkur, sem verður vonandi sem allra fyrst!  Kveðja frá okkur öllum í "gettóinu".