Aðgerð

Ja komiði öll sæl og blessuð!

Nú er búið að ákveða nokkurn veginn aðgerðardag fyrir augun mín   Ég fer á mánudaginn 26.mars í viðtal við svæfingarlækninn og skurðlækninn og svo verður aðgerðin gerð annað hvort daginn eftir eða þriðjudaginn þar á eftir (3.apríl).  Vei vei.  Ég er auðvitað hæstánægð með að það á að reyna að laga þennan leka hjá mér því eins og þið vitið þá eru pípurnar mínar ónýtar (táragöngin) og það á sem sagt að setja í mig gerfi-táragöng.  Einnig verður settur einhvers konar gler-kubbur efst í nefið sem gerfipípurnar verða svo tengdar við.  Nú krossa ég bara fingur um að augun mín hætti alveg að leka eftir þessa aðgerð  

En jæja.  Hér í lokin kemur smá gáta fyrir ykkur.  Ef þið fattið hana skrifið þá svarið í comment ok!!

Hvert er orðið, sem vísan  era ð benda á?

Líst mér best ég lúri um stund

laglegt þykir nafnið varla.

Ekki bratti ekki grund

undirballans má það kalla.                      Leggið nú höfuðið í bleyti kæru vinir   

 

Athugasemdir

[Rannveig Ágústa Guðjónsdóttir (IP-tala skráð) 19.3.2007 kl. 10:03]

Vonandi heppnast nú aðgerðin svo þú getir sleppt tissjúpakkanum elskan. Þarf að leggja höfuðið meira í bleyti til að skilja þessa gátu.....þín nafna.

[Anna Kolbrún Þ (IP-tala skráð) 19.3.2007 kl. 22:21]

Gott að þú kemst loksins í aðgerðina og vonandi heppnast hún vel . Gangi þér vel í þessu frænka mín. Ég þarf nú aðeins að velta þessari vísu betur fyrir mér áður en ég læt vaða.............................................ég reyni að veiða þetta uppúr þér við tækifæri....ha ha ha ha. Bless í bili Ko-Kolla.

[Inga V (IP-tala skráð) 20.3.2007 kl. 09:36]

Halli var það !!!  Eða Halla, Hallur, það er að minnsta kosti halli á rekstrinum í undirballans !Heh, er nefnilega búin að vera nánast óvinnufær síðasta korterið, hef hugsað svo mikið um hvað þetta gæti verið.  Seisei...  En ég gleðst með þér að þú þurfir ekki að bíða lengur eftir aðgerðinni, og vona innilega að hún takist eins og best verður á kosið. Bestu kveðjur til ykkar, og allra sem ég þekki í sveitinni, kær kveðja Inga

[Rannveig Bjarnfinnsdóttir, 20.3.2007 kl. 10:42]

Jú jú Inga þú hafðir það   HALLI var það.  Ekki bratti ekki grund = halli. 

Takk fyrir allar kveðjurnar.

[Rannveig Ágústa Guðjónsdóttir (IP-tala skráð) 20.3.2007 kl. 13:10]

Gat verið að gáfnaljósið Inga V. myndi finna útúr þessu, löngum verið góð í alls kyns gátum.....