Fermingarveisla # 3 - frh.

Jæja þá er það veisla nr. 3 þetta árið.  Allt leit nú  þokkalega út þar sem veislan var á Selfossi og því ekki langt að fara.  En nei nei ekki aldeilis   Það var kominn snjór - ENN OG AFTUR!  Og jeppadruslan biluð.  Hvernig getur svo mikill snjór komið á svona stuttum tíma?????  Það er mér hulin ráðgáta en flygsurnar voru á stærð við golfkúlur eða tennisbolta, ja eða handbolta því þær voru svo stórar.  Og komu niður til jarðar gjörsamlega allllaaaan sunnudaginn.  Byrjaði reyndar aðeins á laugard.kv.  En jæja.  Ekki nennti ég að labba og ekki gat ég farið á reiðhjóli   Stebbi fór því út til að moka bílinn upp og best að taka það fram að ég á lítinn, rauðan, sætan bíl - en MJÖG lágan!  Jæja þegar hann var búinn að moka hann upp og sópa mestan snjóinn af honum reyndi hann að fara af stað  

Og hann sat fastur.  Ekki lengi þó því minn kraftakarl setti bara í Dræfið og ýtti bílnum upp.  Reyndi aftur.  Og hann sat fastur.  Aftur sama sagan.  Og í þriðja sinnið.  Svei mér þá ég hélt við kæmumst ekki í veisluna fyrir snjó í þetta skiptið.  En jæja, tengdó kom á Massanum og mokaði vel fyrir framan okkur og aftan og þá var bara brunað í gegnum snjóinn og gjörsamlega allt gefið í botn.  Og ég er að segja ykkur það að við vorum eins og á jarðýtu allan Vorsabæjarveginn (sem er 3 km. að lengd) því við ruddum bara veginn á Rauðhettu litlu og ég sat skíthrædd í framsætinu og ríghélt mér í handfangið og beið eftir að lenda ofan í skurði.  En við rétt náðum upp á Gaulv. veg sem var í mun betra ástandi   og komumst í veisluna, hálftíma of seint reyndar en betra er seint en aldrei ekki satt!?

Ég er fegin að ekki eru fleiri fermingarveislur þetta árið.  Vona bara að fólkið mitt komist klakklaust til okkar í afmæli Sigrúnar í byrjun maí

Athugasemdir

[Þórlaug (IP-tala skráð) 15.4.2008 kl. 21:39]

Ef þú ert ekki til að lífga upp á lífð og tilveruna, þá veit ég ekki hvað......  Jesús minn, ég sá þetta alveg fyrir mér! Meira hvað þú ert heppin þegar fermingarveislur eru annars vegar!  Takk fyrir að láta mig hlægja

Bið að heilsa í kotið

[Eyrún Gísladóttir, 15.4.2008 kl. 21:51]

HMHM ættir kanski bara að afþakka boðið í næstu veislu hahaha

[Þórir S. Þórisson, 16.4.2008 kl. 04:46]

Það var mikið að þú skrifaðir mér bréf til baka. Ég er búinn að bíða eftir bréfi frá þér síðan 1985........ eða um það bil, þegar þú ákvaðst að hætta að vera pennavinur minn. Gott að finna þig svona áratugum síðar. Ég held ég eigi ennþá mynd að þér einhverstaðar frá því að þú vars 11 eða 12 á Stokkseyri!!

kv. frá Ameríkuhreppi... Þórir

[Rannveig Bjarnfinnsdóttir, 16.4.2008 kl. 09:29]

Hey Þórir!!!  Það var á EYRARBAKKA.  EKKI Stokkseyri   það er væntanlega æðisleg mynd hehe.

[Sigurjón (IP-tala skráð) 17.4.2008 kl. 00:33]

Takk fyrir síðast...það var nú gott að þið komust því annars hefði ennþá meiri afgangur (ekki það að þið hafið borðað svo mikið ;) )

[Rannveig Bjarnfinnsdóttir, 17.4.2008 kl. 17:56]

      Já var það ekki frændi!  Góður!  Og takk sömuleiðis