Prinsessan veik á Bolludaginn sjálfan :(

Já við mæðgur erum heima í dag því prinsessan á bænum vaknaði í nótt kl. 1.30 og búin að gubba yfir sig alla   Ég hentist í það að þrífa barnið og bóndinn brunaði niður til að ná í dall og þvottapoka og vatn.  Svo kom hún upp í til mín og pabbinn fékk rúmið hennar.  Ég sofnaði náttúrlega ekki aftur fyrr en eftir að hún var búin að gubba í annað sinn   En svo náði hún nú að sofna og ég svona 2 tímum síðar  Nú í heildina er hún búin að gubba svona 4-5 sinnum en alltaf náð að skutla því í skálina sem betur fer.

Þannig að við erum í rólegheitum hér heima í dag.   Prinsessan fær sér því væntanlega engar bollur í dag... annað með mömmuna sko.  Hún er heil heilsu í dag (fékk vott af flensu í gær   I wonder why!!) og hér eru nokkrar bollur í ísskápnum sem pabbi vildi endilega að ég tæki með mér heim í gær.  Ætli ég sporðrenni þeim ekki í kaffinu í dag með góðu púðakaffi, nammi namm. 

Etið nú ekki yfir ykkur í dag af bollum.  Það er Sprengidagur á morgun og svo Öskudagur.  Við mæðgur erum búnar að ákveða hvað við ætlum að vera á Öskudaginn... set kannski myndir af okkur á miðvikudaginn í herlegheitunum

Athugasemdir

[Rannveig Guðjónsdóttir (IP-tala skráð) 4.2.2008 kl. 12:58]

Já var ekki fjör á blótinu, spyr eins og kjáni, auðvitað eins og alltaf. Aumingja Sigrún að vera með Pestina, þetta hefur gengið ljósum logum. Rosa flott nýja lúkkið á síðunni þinni. Bestu kveðjur, Nafna.

[Þórlaug (IP-tala skráð) 4.2.2008 kl. 17:11]

Æææææ ekki gott að heyra... er líka heima með lítinn gubbuling! Búinn að gubba þrisvar yfir helgina, held reyndar að það sé penecillinu að kenna, er með í eyrunum blessaður enn eina ferðina... ætla að hætta að gefa honum þessi óþverra lyf!!!!  Bið að heilsa skvísunni og vonandi jafnar hún sig fljótt. 

P.s. er búin að borða tvær rjómabollur... ummmmmmm

[Elín Birna (IP-tala skráð) 4.2.2008 kl. 20:30]

Hæ hæ ;)

 Æi ekki gaman að fá þessa gubbupest mín 3 fengu hana öll í einu þannig að það var nóg að gera og að þvo ..

Bestu kveðjur í sveitina og vona að Sigrún jafni sig sem fyrst ;)

Elín Birna og tvíburarnir Jóhanna Elín og Halldór.

[Helga R. Einarsdóttir, 5.2.2008 kl. 11:00]

Hæ! Ég er nú bara heima líka, með pest, en ekki gubbu þó. Verst hvað þetta er leiðinlegt og (kannski) margt sem maður missir af?

Látum okkur batna sem fyrst. kv. 

[Rannveig Bjarnfinnsdóttir, 5.2.2008 kl. 17:16]

Djö... það eru bara allir með pestina

En Sigrún er orðin hress og við mættum í dag galvaskar og fengum saltkjöt og baunir í hádeginu   Og ætlum sko að mæta á morgun í Öskudagsfjörið í Krakkaborg og slá köttinn úr tunnunni og gera fleira skemmtilegt.  Hjá okkur verður grímuball og fjör