Misheppnuð aðgerð...

Já ég segi misheppnuð aðgerð því aðgerðin tókst ekki sem skildi   Jú læknirinn gat borað gatið í beinið í nefinu en hann náði ekki að koma glerstubbinum fyrir og rörinu eins og til stóð því það blæddi víst svo mikið.  AAAARRRRRGGGHHHH!!!  Ég var bara að vonast til að þetta myndi heppnast og ég myndi lifa hamingjusöm til æviloka.   En lífið er bara ekki svo einfalt skilst mér þannig að ég verð að bíta í það súra epli að þurfa að koma aftur eftir mánuð eða svo til að reyna aftur.  Þá þarf reyndar bara staðdeyfingu og þá ætti hann að geta sett glerstubbinn inn og tengt rörið.  Því stærsta vinnan er búin, þ.e. að bora gat í nefið þar sem glerstubburinn á að koma og tengja saman vefi og svoleiðis fínvinna.... þannig að næsta mál er bara pís of keik.  Er þakki!?  Hvar er Pollíanna núna, haaaa???

En ég er sem sagt komin heim og mér líður vel að öðru leyti.  Þarf að taka því rólega næstu daga, það hefur aðeins blætt úr nefinu á mér... aðallega ef ég er mikið að beygja mig og svoleiðis.  Þannig að það er best að vera þá bara ekkert að beygja sig....    liggja bara uppi í rúmi með tærnar upp í loft og horfa á úrelda Melrose place þætti á skjá 1 sem eru nú sýndir 2x á dag (já mín er búin að horfa slatta á imbann síðustu 2 daga með sjónvarp beint fyrir ofan rúmið á deildinni).   Ég þurfti nú að bíða í 4 tíma uppi í rúmi eftir að vera keyrð á skurðstofuna.  Þá voru víst 2 á undan mér og það mixaðist eitthvað í bókuninni þannig að ég varð bara að bíða róleg.... FASTANDI í þokkabót.  Ekki alveg mitt svið  en þetta hafðist nú allt saman.  Ég er sem sagt verkjalaus núna og þarf því ekki að bryðja nein verkjalyf   en er hins vegar með glóðarauga og 4 spor saumuð niður með nefinu.  Pabbi sagði nú bara að það væri bara eins og ég væri að koma heim af balli og hafi lent í smá slagsmálum... já það er  eins og ég hafi hreinlega verið sleginn með brotinni flösku í andlitið  og ég læt fylgja með mynd af mér eins og ég lít út í dag.  Glæsileg ekki satt!?

Yfir og út

Athugasemdir

[Þórlaug (IP-tala skráð) 4.4.2007 kl. 23:30]

Elsku Rannveig mín! Þetta ætlar allt að taka sinn tíma... það er meira hvað læknavísindin eru furðuleg á köflum. Óþolandi að láta senda sig svona fram og til baka! Vona svo innilega að aðgerðin eigi eftir að takast, þegar það á að reyna aftur. Þetta er meira vesenið. Ótrúlegt hvað þú tekur þessu öllu vel. Vildi að ég hefði þetta jafnaðargeð, segi nú ekki annað!

Annars er allt ágætt að frétta hér... Tómas er allur að koma til. Magakveisan hefur minnkað til muna og kappinn sefur mun meira en hann gerði. Hann er tvisvar búinn að fara í höfuðbeina og spjaldhryggjarmeðferð og hefur það reynst honum vel! Við ætlum að halda áfram að fara með hann í þá meðferð.

Við biðjum að heilsa í sveitina! Farðu vel með þig stelpa!

Kveðja, Þórlaug og co

[Sigga Hrönn, 6.4.2007 kl. 07:39]

Kíki alltaf við annað slagið hjá þér gamla. Leiðinlegt að aðgerðin virkaði ekki, næsta verður pís of kake. Mjög gaman að fá að fylgjast með hreinsikúrnum hjá þér hef gert þetta sjálf immit með homopata. Þetta er ekkert mál með smá skipulagi og útsjónarsemi. Og þegar maður byrjar að finna breytingarnar og líða betur langar mann ekkert aftur í sukkið. Gangi þér hrikalega vel og þér er velkomið að hafa samband luma á nokkrum trixum má spyrja hvað homopatin heitir? þú getur kíkt á mig hér... http://siggahronn.blog.is/blog/siggahronn/ 

[Þóra (IP-tala skráð) 9.4.2007 kl. 12:23]

ÆÆÆ elsku snúllan mín... leiðinlegt að þetta skildi ekki heppnast í fyrstu En eins og þú segir sjálf verður næsta örugglega ekkert mál!!

Vona að þú hafir átt góða páska og látið dekra við þig!! og vonandi að hreinsikúrinn hafi ekki hindrað þig í að gæða þér á páskaeggi;o) jafnast ekkert á við íslensk páskaegg 

var að koma heim úr bústað, við fórum með vinafólki okkar í bústað í svíþjóð um páskana! mjög athyglisverður bústaður... yfir 200 ára gamall ekkert rennandi vatn, bara pumpa í brunni fyrir utan og "biologiskur" kamar (=maður setur mold yfir þegar maður er búinn að gera eitthvað í kamarinn;) það er þó rafmagn í kofanum og hann mjög sætur!!! Versta var, ef maður þurfti á klóið um nóttina að þurfa brölta út á kamar

Knús og kossar í bæinn... Þóra