Andlát :-(

 

Elsku Bogga amma mín er látin.  Hennar er sárt saknað því hún var sko kjarnakona hún amma.  Hafði mikinn húmor og var léttlynd og afar barngóð.

Hún var mikil handavinnukona og það eru ófá listaverkin sem hanga á veggjum heimila okkar í fjölskyldunni.  Einnig dundaði hún sér við að hekla og prjóna og gaf oftar en ekki í skírnar-  og afmælisgjafir.

Það er okkur sem eftir lifum ómetanlegt að hafa fengið að kynnast slíkri konu því hún var yndisleg.

Guð geymi þig amma mín!  Ég mun aldrei gleyma þér

Jólagjöfin HANS

Búin að finna hina fullkomnu gjöf handa herrunum í ár   

Ef þið smellið á fjarstýringuna sjáið þið hana betur    

Þegar piparkökur bakast...

Í dag var föndurstund með foreldrum í skólanum hennar Sigrúnar og við fjölskyldan skelltum okkur að sjálfsögðu í það   Við Sigrún bjuggum til kerlingar úr könglum og þennan hérna bjó Sigrún til   og ég bjó þennan til   

Svo límdum við allskyns efnivið á krukkur fyrir teljós sem urðu eftir í skólanum því þær eiga að fara annað en á okkar heimili   Einnig voru bakaðar ýmsar smákökur sem smökkuðust mjög vel.  Við fengum kakó og kaffi með og það var yndislegt að finna bökunarilminn

Þegar heim var komið fórum við Sigrún að baka piparkökur og máluðum þær líka.  Hér má sjá afraksturinn    

Á morgun fer ég svo í enn eina augnaðgerðina og að þessu sinni verður hún gerð í Fossvoginum og háls-nef og eyrnalæknir verður núna með í ráðum.  Vona svo sannarlega að það komi eitthvað meira út úr því en hefur gert undanfarið

Dagur í lífi mínu!

Það er sagt að maður eigi að borða eitt epli daglega útaf járninu og einn banana  til að fá kalíum.   Líka eina appelsínu, útaf c-vítamíninu og einn bolla af grænu te án sykurs, til að forðast  sykursýki.  Svo má ekki gleyma lýsinu sem er náttúrulega allra meina bót.
Drekka tvo lítra af vatni alla daga (Já, og síðan að pissa því, sem tekur tvöfaldan tímann sem það tók að drekka það).
Á hverjum degi borða jógúrt og eitt skot af   LGG út af gerlunum sem enginn skilur hvað gera, en ef þú færð ekki eina og hálfa milljón á dag mun það hafa skelfilegar heilsufarslegar afleiðingar.
Daglega  taka inn eina aspirín til að koma í veg fyrir hjartaáfall, og drekka eitt rauðvínsglas í sama tilgangi.  Og annað hvítt fyrir taugakerfið.  Og einn bjór,  sem ég man ekki hvaða gagn á að gera .  Ef þú færð þér þetta allt í einu, skaltu gæta þess að eiga einn Red Bull ísskápnum til að drekka  daginn eftir,  nema náttúrulega ef þú ert  þá búinn að fá heilablóðfall.   Ef það gerist, muntu ekki taka eftir því.Daglega borða trefjar. Mikið, mjög mikið af trefjum. Þar til þú kúkar  heilli peysu.  Það á að borða fjórar til sex máltíðir  á dag, hollar,  fitulitlar máltíðir og ekki gleyma að tyggja hvern  munnbita hundraðsinnum.
Með smá útreikningi er  ljóst að það tekur þig um fimm  klukkustundir á dag að borða.
Ó, og  síðan  má ekki gleyma að bursta tennurnar eftir hverja máltíð.
Á eftir jógúrtinu og  trefjunum, tannbursta; á eftir eplinu, tannbursta; á eftir banananum, tannbursta...
Og á meðan þú ert á annað borð með tennur máttu ekki gleyma tannþræðinum
og munnskolinu með tilheyrandi gurgli.
Best að stækka baðherbergið og setja þar inn hljómflutningstækin þín,  því þar áttu eftir að dvelja drjúgan tíma: vatnsþambið, trefjarnar, tennurnar...Síðan á að sofa í átta stundir og vinna aðrar átta plús þessar fimm sem fara í að borða. Þetta gerir  tuttugu og eina klukkustund.  Þá áttu þrjár stundir eftir, það er að segja ef ekkert sérstakt kemur uppá þann daginn.
Samkvæmt  könnunum  eyðum við  þremur stundum daglega í sjónvarp...og ekki gleyma  tölvunum!!!  En þú hefur engan tíma í svoeiðis, því daglega áttu að
fá þér a.m.k. hálftíma göngutúr  (Ég tala af reynslu: Snúðu við eftir 15 mínútur, því annars verður hálftíminn að klukkustund).

Síðan verður að huga að vinunum því þeir eru eins og blóm: það þarf að vökva þau daglega. Líka þegar þú ferð í frí. Það er að segja ef þú ferð í frí.

Síðan þarf að vera vel upplýstur. Lesa að minnsta kosti tvö dagblöð og eina grein í tímariti til að bera upplýsingarnar saman.
Ah! Síðan er það kynlífið. Kynlíf daglega og þar að auki á það að vera frumlegt og skapandi .  Þetta tekur sinn tíma!!!  Að maður tali nú ekki um
tantra kynlíf!!!
Að öllu framansögðu  vil ég minna þig á: Það á að tannbursta sig eftir hverja máltíð. Það þarf líka að skúra, þurrka af, þvo þvott, fara í sturtu og vaska upp og áttu kannski hund að auki eða hamstur? Börn?!

Nú reiknast mér til að þetta kalli á um 30 stundir á dag. Eina lausnin á þessum vanda,  er að framkvæma eitthvað af þessum atriðum í einu. Til dæmis: Þú ferð í kalda sturtu með opinn munninn og drekkur þannig lítrana tvo af vatni.  Þegar þú gengur út úr baðherberginu með tannburstann í munninum nýturðu um leið ásta (tantrískt)  standandi með makanum þínum, sem um leið horfir á sjónvarpið og segir þér frá á meðan þú burstar tennurnar.
Var ein hendi laus?  Hringdu í vinina!!! Og foreldrana!!!
 Fáðu þér rauðvín (eftir spjallið við foreldrana muntu þurfa á því að halda)
 Eplið getur makinn þinn matað þig á á meðan þú borðar bananann með jógúrtinu. Úffffff! En ef þú átt tvær mínútur eftir , sendu þetta þá á vinina (sem þú þarft að vökva eins og blóm)  um leið og þú tekur inn eitt hvítlaukshylki  sem er svo gott fyrir...
En nú verð ég að hætta því eftir jógúrtið, appelsínuna, bananann, bjórinn, fyrri  vatnslítrann, þriðju máltíðina með trefjum, hef ég ekki hugmynd um það hvað ég er að gera og þarf nauðsynlega að komast á klósettið.

 Aha, ég ætla að nýta tímann og kippa tannburstanum með mér.

 

Góður!

Maðurinn hafði fundið sér aðra - svo sú gamla átti að flytja út. Hún eyddi fyrsta deginum í að pakka öllu niður í kassa.

Næsta dag kom fluttningsbíllinn og sótti allt dótið.

Þriðja daginn settist hún við fallega borðstofuborðið í síðasta skipti, kveikti á kertum, setti góða músik á og borðaði stóran skammt af rækjum, rússneskum kavíar og drak flösku af Chardonnay.

Þegar hún hafði borðað, gekk hún hringinn í hvert einasta herbergi og tróð rækjurestum inn í endana á öllum gardinustöngunum !

Þar á eftir gerði hún eldhúsið hreint og yfirgaf húsið.

Þegar maðurinn kom tilbaka í húsið með nýju kærustuna sína, voru fyrstu dagarnir ekkert nema gleði og hamingja. En svo byrjaði húsið smám saman að lykta.

Þau prófuðu allt, ryksuguðu, þvoðu, loftuðu út.

Loftræstingin var skoðuð gaumgæfilega kanski voru þar dauðar mýsog rottur, teppin voru hreinsuð, og ilmpokum og loftfrískandi vörum var komið fyrir alls staðar.

Meindýravörnin var kölluð til og húsið var "gasað" gegn lyktinni, það þýddi, að þetta hamingjusama par þurfti að flytja út í nokkra daga. Að lokum var allt veggfóður rifið af og húsið allt málað vel og vandlega. Ekkert hjálpaði.

Vinirnir hættu að koma í heimsókn. Iðnaðarmenn og aðrir starfskraftar gerðu allt til þess að þurfa ekki að vinna í húsinu. Húshjálpin sagði upp.

Á þessum tímapunkti gátu þau ekki heldur haldið fnykinn út lengur, svo þau ákváðu að selja. Mánuði seinna hafði húsið ekki selst, þrátt fyrir að verðið hafi lækkað um helming.

Sagan gekk, og fasteignasalinn hætti að svara hringingum þeirra. Að lokum voru þau neydd til að taka stórt bankalán til að kaupa nýtt hús.

Fyrrverandi - eiginkonan hringdi til mannsins og spurði hvernig gengi.

Hann sagði henni söguna um rotna húsið.

Hún hlustaði með mikilli umhyggju og sagði svo að hún saknaði gamla heimilis síns ógurlega mikið, og hún gæti vel hugsað sér að kaupa húsið aftur.
Maðurinn var viss um að, ex-ið vissi ekkert um hve málið væri slæmt, svo hann samdi við konuna að selja henni húsið á tíunda-hluta af markaðsverði,  gegn því skilyrði að skrifað yrði undir samdægurs. Hún samþykkti það.

Viku seinna stóðu maðurinn og kærastan í húsinu í síðasta sinn -
þau hlógu yfir sig hamingjusöm. Og þeim var létt þegar fluttningsbíllinn kom og sótti allt þeirra dót
til að keyra það yfir í nýja húsið.

- þar á meðal gardínustöngunum!!!!

Danssýning

  Við hjónin fórum á mjög skemmtilega danssýningu hjá dóttur okkar í skólanum hennar í dag.  Nemendur eru búin að vera á dansnámskeiði hjá Jóni Pétri og sýndu í dag það sem þau hafa verið að læra hjá honum.  Allir bekkirnir stóðu sig með prýði og hér á myndbandinu má sjá 1. og 2. bekk í einum dansinum.

Rörið farið ...

... og ég þarf að fara í enn aðra aðgerðina á hægra auga.  Rörið sem var skipt um síðast var aldrei farið að virka, það stóð alltaf meira og meira út úr augnkróknum og var alltaf stíflað af slími   Alltaf = þessa 10 daga sem ég er búin að hafa þetta blessaða rör.  Það er kannski einmitt málið.  Þarf ég ekki að fá góðan prest til að blessa rörið svo það verði þetta blessaða rör   En að öllu gríni slepptu þá vindum við okkur aftur í lagið og Albert!  Ef þú vildir vera svo vænn og telja inn í lagið fyrir okkur

Ég fer því enn og aftur í aðgerð á auganu um eða eftir miðjan nóvember og hún verður gerð í Fossveginum að þessu sinni því Háls nef og eyrnalæknir verður hafður með í ráðum að þessu sinni til að reyna að finna út úr þessu með nefið.... í nefið, í nefið í nefið ég fæ, í nefið ég fæ mér!!!

Er farin í sumarbústað með fjölskyldunni til að njóta lífsins með hvítt í glasi í heita pottinum við kertaljós.  Eigið góða helgi kæru landsmenn nær og fjær og passið ykkur á logandi graskerjum út um allt   

Þú skalt klappa ef þú hefur létta lund...

Maður skilur ekki helminginn af öllu þessu krepputali í þessu þjóðfélagi og ég verð nú bara að segja það að fólk getur nú kennt sjálfu sér um meirihlutann á vitleysunni.  Ég meina hver þarf að aka um á 8 milljón króna jeppa sem hann á náttúrlega ekki rassgat í en gat fengið lán fyrir honum og jafnvel ekki þurft að byrja að borga af því fyrr en eftir 2 ár???????  Og endalaust heyrir maður um fólk sem hefur farið að byggja eða kaupa sér EINbýlishús (því það dugar ekkert minna) og ekki búið að selja hina eignina þegar sú nýja er keypt.  Borga af 2 húsum og halda bara að það gangi upp   Ja maður þarf allavega að hafa helvíti góð laun til að það virki.

Var ekki kominn tími til að ná fólki aðeins niður á jörðina? 

En jæja.  Það er komin ný færsla inn á "átakið" ef einhver hefur áhuga   ég skal hætta að rausa.

Augnaðgerð enn á ný

Mér finnst ég ekki skrifa annað hérna inn en að ég sé að fara í augnaðgerð   Kannski ekki svo skrítið þar sem sú sjötta var gerð í gær.  Hún tókst vel skilst mér en hér sit ég gjörsamlega að kafna úr kvefi og er svo stífluð að augun fyllast af tárum sem ná ekki að renna rétta leið   Þannig að það er eins gott að ég á ársbyrgðir af bréfi sem ég vonaðist nú til að þurfa ekki að grípa til aftur.  En svona er lífið.  Fullt af óvissuþáttum   Bóndinn kemur heim í hádeginu með stíflulosandi handa mér og þá á ég við til að losa stíflu Í NEFI

Starfsdagur í vinnunni hjá mér á föstudaginn og einnig í Flóaskóla sem og námsmatsviðtöl á mánudaginn þar.  Þetta þýðir að Sigrún verður ekki í skólanum á föstudaginn og næsta mánudag og ég veit hreinlega ekkert hvað ég á að gera við hana.  Skólavistun er nefninlega líka lokuð þessa daga   Hvað gerir fólk við börnin sín þessa daga?  Ég veit reyndar að í stærri sveitarfélögunum er skólavistun í boði þá daga sem kennarar eru ekki við kennslu en það virðist ekki vera hægt í okkar litla hreppi. 

Nenni ekki að reyna að "redda" öllu þessa dagana!

Allir í bíó... mæli með Reykjavík-Rotterdam

Þriðjudagtilboð í Sambíóin

Sambíóin muna á næstu vikum bjóða þjóðinni að mæta alla þriðjudaga í kvikmyndahús þar sem miðaverð verður 500 krónur á allar kvikmyndir. ,,Og má því halda því fram að hvergi í heiminum sé hægt að fá lægra bíómiðaverð!" segir í tilkynningu.

Sambíóin skora á önnur fyrirtæki að gera slíkt hið sama og vinna samhent að því að létta undir með íslenskum almenningi.

,,Ástæða þessa fyrirkomulags er sú að Sambíóin hafa leitast eftir skilningi við sína erlendu birgja í kjölfar íslensks efnahagsástands með það að leiðarljósi að gleðja Íslendinga í erfiðu árfeðri."

Þriðjudagstilboðið gildir þó ekki í Lúxus/VIP sal.

Tekið af http://visir.is