Afhjúpun minnisvarðans í Timburhól

Við fjölskyldan vorum viðstödd afhjúpun minnisvarðans um hjónin í Vorsabæ þau Stefán Jasonarson og Guðfinnu Guðmundsdóttur í dag við Timburhól.      Þetta er hinn myndarlegasti minnisvarði sem listakonan Sigga á Grund gerði og það má með sanni segja að henni hefur tekist vel til.    Á þessari mynd eru systkinin með listakonunni, formanni umf. Samygðar, gjaldkera og formanni minnisvarðanefndar.  Systkinin frá Vorsabæ buðu svo í kaffi á eftir í Félagslundi þar sem borðin svignuðu undan kræsingum kvenfélagskvenna úr Gaulverjabæjarhreppi hinum forna.  Athöfnin fór öll vel fram og "veðurguðirnir" voru okkur nokkuð hliðhollir í Timburhól því þegar við vorum á leiðinni í Félagslund fór að rigna og hefur ekki stytt upp síðan  

Við Sigrún tókum nokkrar myndir í dag sem ég læt fylgja hér með              

 

Athugasemdir

[Kristín (IP-tala skráð) 21.9.2008 kl. 20:31]

Þetta var svo sannarlega skemmtilegur dagur. Það var ótrúlegt að rigningin skyldi halda sér til hlés á meðan á afhjúpuninni stóð, eins og einhver væri að stýra því. Minnisvarðinn og umhverfi hans er stórglæsilegt og svo mikið í anda afa og ömmu. Kv. Kristín

[Þóra Hvanndal, 24.9.2008 kl. 15:50]

kvittiknús...;o)