Vinna vinna vinna...

Jæja þá er ég byrjuð að vinna aftur og er það þvílík gleði  og það var vel tekið á móti mér í morgun.  Já já Svava tók á móti mér með rós og allir buðu mig velkomna aftur.  Gott að finna að mín hefur verið saknað  því ég hef saknað þess líka að hafa verið í vinnunni.  Sérstaklega núna eftir áramótin þegar heilsunni hefur farið svona mikið fram og orkan kemur á ný.  Frábært alveg.

Við Sigrún fórum í hjólabæ áðan og völdum handa henni hjól.  Fjólublátt með stjörnum á og svo fékk hún bleikar grifflur og barbie bjöllu og allt.  Hún á Baby born körfu sem við skellum svo bara á hjólið.  En hún hefur svo annað hjól til að hjóla á inni í fjósi.  Þannig að hún verður væntanlega orðinn mikill hjólagarpur eftir sumarið

En Sigrún er alltaf að horfa á Ávaxtakörfuna og Bangsímon þessa dagana (það sem hún fékk í afmælisgjöf) og nú vella brandararnir út úr henni.  Einn er svona úr Ávaxtakörfunni:  Sagðirðu ber... ertu kannski allsber? ha ha ha.  Annar svona:  Bananasplitt.  Ef þú rennur á bananahýði ferðu í svona splitt... ba na na splitt.      Svo hlær hún mannamest.  Ótrúlega fyndið alveg.

Best að fara að huga að súpunni.  Er að elda þessa dýrindis grænmetissúpu,  ummm. 

Athugasemdir

[Sigurborg (IP-tala skráð) 2.5.2006 kl. 22:49]

Til hamingju með að vera farin að vinna aftur, ég skil þig svo vel að vera ánægð með að vera komin aftur á meðal fólks:) Og hún Sigrún á nú ekki langt að sækja húmorinn:) Það styttist í að þú getir farið að sýna henni gömlu áramótaskaupin hahahaha
Kv. Bogga

[Sandra Dís (IP-tala skráð) 3.5.2006 kl. 09:48]

Hæ dúllan og til hamingju með að vera byrjuð að vinna aftur, það er stór áfangi :-) Var annars að spá í að kíkja í kaffi eitthvert kvöldið í næstu viku, hvað segirðu um það kelli mín?
heyrumst
kv.Sandra Dís

[Rannveig Ágústa Guðjónsdóttir (IP-tala skráð) 3.5.2006 kl. 10:24]

Það er frábært að vera búin að fá þig í húsið aftur, Bestu kveðjur, nafna.

[Anna Kristín (IP-tala skráð) 3.5.2006 kl. 11:09]

Frábært að vera farin að vinna á ný, já það er alveg rétt að dóttir þín á ekki langt að sækja húmorinn :)

[Íris Böðvarsdóttir (IP-tala skráð) 3.5.2006 kl. 12:07]

Hæ hæ og til hamingju með að vera farin að vinna og til hamingju með litlu snúlluna þína. Þetta er stór áfangi að vera farin að vinna aftur. Nú er það bara beina brautin. Bestu kveðjur úr sveitinni. Íris

[maría erla (IP-tala skráð) 3.5.2006 kl. 13:29]

hæ hæ - flott nýja síðan þín! og til hamingju með að vera byrjuð að vinna aftur. efast ekki um ágæti þeirrar tilfinningar :) rosalega er dóttir ykkar mikið krútt! kkv. maría erla

[Gunnur Hjálmsdóttir (IP-tala skráð) 3.5.2006 kl. 18:34]

Til hamingju Rannveig mín!! Bjartir tímar framundan með hækkandi sól :-)
Knús í kotið þitt, Gunnur