Augnaðgerð enn á ný

Mér finnst ég ekki skrifa annað hérna inn en að ég sé að fara í augnaðgerð   Kannski ekki svo skrítið þar sem sú sjötta var gerð í gær.  Hún tókst vel skilst mér en hér sit ég gjörsamlega að kafna úr kvefi og er svo stífluð að augun fyllast af tárum sem ná ekki að renna rétta leið   Þannig að það er eins gott að ég á ársbyrgðir af bréfi sem ég vonaðist nú til að þurfa ekki að grípa til aftur.  En svona er lífið.  Fullt af óvissuþáttum   Bóndinn kemur heim í hádeginu með stíflulosandi handa mér og þá á ég við til að losa stíflu Í NEFI

Starfsdagur í vinnunni hjá mér á föstudaginn og einnig í Flóaskóla sem og námsmatsviðtöl á mánudaginn þar.  Þetta þýðir að Sigrún verður ekki í skólanum á föstudaginn og næsta mánudag og ég veit hreinlega ekkert hvað ég á að gera við hana.  Skólavistun er nefninlega líka lokuð þessa daga   Hvað gerir fólk við börnin sín þessa daga?  Ég veit reyndar að í stærri sveitarfélögunum er skólavistun í boði þá daga sem kennarar eru ekki við kennslu en það virðist ekki vera hægt í okkar litla hreppi. 

Nenni ekki að reyna að "redda" öllu þessa dagana!

Athugasemdir

[Kolla (IP-tala skráð) 22.10.2008 kl. 18:08]

Hér á Selfossi býðst eingin skólavistun þegar er þetta vetrar frí er og ég veit að ein mamman spurði hvað hún ætti að gera við börnin sín í þessu vetrar frí og þá var henni sagt að njóta þess að vera í vetrarfrí með börnunum svo þá er bara að allir taki saman höndum og loka öllu vegna vetrarfrís?  En ég er í frí fram til klukkan þrjú á föstudaginn, vaktavinnan hefur smá kosti!

Kv Kolla

[Kristín (IP-tala skráð) 22.10.2008 kl. 21:35]

Það er einmitt vetrarfrí á föstudag og mánudag hjá okkur og ég á starfsdegi allan daginn á föstudaginn, og skólavistunin lokuð. Þá kemur sér vel að eldri systkinin geta passað. Á fimmtudaginn eru svo foreldraviðtöl en þá getur Sævar verið í skólavistuninni.  Kv. Kristín

[Lóa (IP-tala skráð) 23.10.2008 kl. 10:25]

Hæ Rannveig.

Vonadni hefur aðgerðin tekist vel núna.

Ef þú ert í vandræðum með Sigrúnu á mánudagin þá getur hún komið til mín, verð heima í verkefni.

Verðum í bandi

kv Lóa

[Rannveig Bjarnfinnsdóttir, 23.10.2008 kl. 14:47]

Takk fyrir það Lóa.  Ég held ég taki þig bara á orðinu   Mamma og pabbi ætla að redda morgundeginum fyrir okkur svo að sú stutta verður ánægð með að fá að vera til skiptis hjá ykkur í "dekri"

Verðum í bandi, kv. R