Ein ég sit og sauma...

... inni í litlu húsi, enginn kemur að sjá mig nema litla músin... eða nei kötturinn hefur náð henni

Sigrún lööööngu sofnuð, ég sit hér ein og sauma tölu á buxur bóndans í nýju stígvélunum mínum   Bóndinn á bænum er á 20 ára gagnfræðingamóti og þar er örugglega mikið stuð.  Ég var að enda við að horfa á heilmikla spennumynd á RÚV með Cruise.  Helvíti góður alltaf og lék skúrkinn assgoti vel.  Ég var komin með hækkun á blóðþrýsting í lokin bara

Við mæðgur fórum í Brúarhlaupið í dag með mömmu.  Skelltum okkur í skemmtiskokkið (2,5 km) og sú stutta ætlaði nú að gefast upp áður en við náðum yfir brúna til að stilla okkur upp í startið   Við örkuðum af stað, skokkuðum aðeins og strunsuðum inn á milli og hún gat þetta á endanum og restaði á að stinga mig af þegar hún hljóp í markið.  Hún fékk einhvern ofurkraft þegar hvatningarópin byrjuðu að óma á Bankaveginum og hún brunaði í markið og fékk verðlaunapeninginn sinn.   Sú var stolt og ánægð en vá hvað hún var þreytt.  Hún var sofnuð um 9 leytið í kvöld og það múkkaði ekki í henni.   Held hún hafi ekki sofnað svona snemma síðan hún var ófiðraður ungi  

Reykjavíkurferð á morgun.  Ætla nú að láta það eiga sig að fara í styrktargönguna en er samt búin að styrkja málefnið um 3.000 kall.  Fer kannski næst   Sexurnar eru að hittast í bröns heimá hjá einni sem var að flytja upp í Mosó.  Ætlum að kíkja á slotið hennar og slúðra dálítið og éta á okkur gat!

Athugasemdir

[svava (IP-tala skráð) 8.9.2008 kl. 21:02]

hehehee....nýju stígvélin þín eru líka hrikalega flott.....

Já og takk fyrir síðast frábær hittingur hjá Sexum:-)

kv Svava

[Rannveig Bjarnfinnsdóttir, 8.9.2008 kl. 21:37]

Já maður er eins og börnin þegar þau fá ný stígvél.  Vill bara sofa helst í þeim