Fjögurra daga sæla í bústað :)

Jæja þá erum við mæðgur komnar heim eftir 4 frábæra daga í sumarbústað mö og pa   Við fórum sem sagt á fimmtudaginn í blíðunni og skelltum okkur í pottinn og í sólbað úti á pall.  Við tókum hjólið hennar Sigrúnar með og hún tók smá hjólatúr.  Reyndar frekar erfitt að hjóla þarna þar sem mölin er frekar gróf og stórir hnullungar í veginum.  Hún kíkti bara í kaffi í næsta bústað  

Á föstudeginum skelltum við okkur í sund í Reykholt.  Það var mjög gaman og lítil rennibraut sem Sigrún gat farið ein í og hlussaðist svo út í laug og hafði gaman að.  Reyndar fór mamman aðeins líka en rann nú frekar hægt niður   Spurning hvor hafi hlussast meira útí, haaaaaa!  Við kíktum svo á kaffihúsið Klett þarna í Reykholti og fengum þar eina bestu villisveppasúpu sem ég hef smakkað.  Og nýbakaðar brauðbollur með.  Sigrún fékk sér borgara með grænmeti og kláraði hann fljótt og vel.  Drifum okkur svo í búst aftur í sólbað

Á laugardaginn vöknuðum við svo við rigninguna sem buldi á þakinu og nutum við þess að vera inni og lesa blöðin í kyrrðinni.  Svo skellti ég mér í pottinn um kvöldið með Sigrúnu.

Á sunnudag var svo rok og rigning en við Sigrún fórum nú í góðan göngutúr í Brekkuskóginum og urðum haugblautar og fínar.  Veguðum salt og róluðum smá og skoðuðum býflugurnar og blómin  Fórum svo inn og horfðum á Ronju Ræningjadóttur undir sæng.

Svona á fríið að vera     Það eru komnar nýjar myndir inn á Sigrúnarsíðu

Athugasemdir

[Þóra Hvanndal, 14.7.2008 kl. 20:06]

uhmm... hljómar alveg frábærlega...

geggjad ad geta komist svona adeins í burtu...

knús í kotid..

Thora 

[Íris (IP-tala skráð) 15.7.2008 kl. 22:04]

Hæ hæ

Þetta hljómar allt yndislega. Gaman að heyra hvað þú er jákvæð þrátt fyrir rigningunna. Svona á þetta að vera - finna alltaf það besta úr öllu. Förum nú að kíkja í kaffi í sveitina. 

[Rannveig Bjarnfinnsdóttir, 16.7.2008 kl. 00:54]

Já Íris það er svo gott að eiga gott þak þegar það rignir vel

Verið velkomin anytime.  Kaffið í nýju vélinni klikkar aldrei