Tóm gleði í blíðunni

Já það er aldeilis búin að vera bongóblíða hjá okkur í leikskólanum síðustu daga.  Maður sér brúnkuna spretta fram á börnunum og erum duglegar með sólvörnina í annarri og After sun-ið í hinni   Já já það held ég núh!  Á maður ekki að tala um veðrið þegar maður hefur ekkert annað til að tala um?    Dásamlegt alveg.

En við fórum í blómaferð til Hveragerðis í dag 4 ættliðir.  Sem sagt Bogga amma, mamma, ég og Sigrún og keyptum sumarblómin hjá henni Ingibjörgu.  Alltaf gaman að kaupa falleg blóm og keypti ég 2 leirker líka og Pelakóníu í þau sem ég ætla að hafa á tröppunum með von um að fæla burtu flugurnar   Verður gaman að sjá hvort það virkar.  Keypti svo Morgunfrúr og Ljónsmunna (hvítan) og ætla að setja þau blóm í steinabeðin mín í suðurgarðinum.  Morgunfrú var uppáhaldsblóm Guðfinnu heitinnar sem bjó hér (amma hans Stebba) og mér finnst því upplagt að planta þeim í garðinn hennar.  Ég hef gert það nokkur undanfarin ár.  Svo keyptum við nokkrar Stjúpur sem Sigrún valdi sér til að setja framan við kofann hennar í lítið beð sem ég útbjó í fyrrasumar.  Setti nú reyndar haustlauka í það s.l. haust en það komu bara nokkrir upp.  Spurning hvort ég hafi snúið þeim vitlaust eins og pabbi   Koma þeir þá bara ekki upp í Kína? 

Garðvinna hjá Boggu ömmu á morgun og ætlum við nokkrir ættingjar að mæta í það.  Einnig þurfum við að klára smá tiltekt uppi hjá henni sem er nauðsynleg eftir skjálftann.  Hún ætlar að elda kjötsúpu í liðið sem verður eflaust meistaraverk eins og allt sem hún tekur sér fyrir hendur

Athugasemdir

[Þóra Hvanndal, 17.6.2008 kl. 10:28]

Hæ eskan... spurning hvort góða veðrið heldur nú þegar þjóðhátíðardagurinn er runninn upp...

En Gleðilega þjóðhátíð... og góða skemmtun á hátíðahöldunum ef þið farið á einhver slík...

knús í kotið...

Þóra

[Rannveig Bjarnfinnsdóttir, 17.6.2008 kl. 10:37]

Já Þóra mín hér er sólskin en svolítið rok   Og jú við ætlum að kíkja á hátíðahöldin í sveitinni, grillaðar pylsur, hoppukastali, blöðrur, fánar og íþróttamót fyrir krakkana.  Kökuveisla á eftir skilst mér

Takk sömuleiðis gleðilega þjóðhátíð!