Sjómannadagurinn

Til hamingju sjómenn með daginn og þá sérstaklega þú pabbi minn

Fór á föstudaginn eftir vinnu að taka til heima hjá ömmu og þá voru nokkrir ættingjar komnir og búnir með heilmikið.  Ótrúlegt hvað þetta getur verið mikil vinna að taka til og þrífa eftir svona hamfarir.  Allt fína rykið og litlu glerbrotin og flísar og svo var bara komið að vorhreingerningu hjá þeirri gömlu svo að nú er allt orðið fínpússað. 

Pabbi og mamma eru líka búin að þrífa allt upp sem brotnaði og fór út um allt en það brotnuðu nú færri hlutir en maður hélt í fyrstu eftir að líta yfir íbúðina strax eftir skjálftann.  Gólfið hefur farið öllu verra út úr þessu við að fá alla þessa hluti misþunga á sig.    Þetta hefst allt saman. 

Annars var ég að koma úr bústaðarferð með Sexunum mínum (hópurinn úr Kennó) og vorum við 5 af 6 sem gátum mætt.  Frábær ferð og þessar elskur færðu mér verndarengil að gjöf og óskuðu mér til hamingju með 3 ára "cancer survivor" afmælið.  Yndislegar alveg og við höfðum það voða gott saman í sólarhring í bústað foreldra minna.  Höfðum mexíkanskan mat, dýrindis eftirrétt að hætti Svövu, fórum í pottinn, drukkum kokteila og fleira skemmtilegt.  Næsta haust getum við væntanlega allar mætt þar sem Danasexan okkar flytur heim í sumar   Þá verður nú mikið húllumhæ!    Takk fyrir helgina snúllur!

Ég er svo að fara í aðgerðina aftur á hægra auga á þriðjudaginn.  Nú ætlar læknirinn að reyna að setja rörið í og setur hann væntanlega alveg eins rör og er komið hinumegin.  Svo VONANDI fer nú þessum leka að ljúka.  7-9-13

Og hér með lýk ég þessari færslu og hana nú! 

Athugasemdir

[svava (IP-tala skráð) 2.6.2008 kl. 13:24]

Já og takk fyrir síðast þetta var frábært eins og alltaf hjá Sexum!  Bestu kveðjur og gangi þér vel í aðgerðinni,  Kv Svava

[Eva Andersen (IP-tala skráð) 2.6.2008 kl. 14:38]

Blessuð

Gangi þér vel í aðgerðinni, gott að vita að allt þitt fólk er heilt.

Kveðja Eva og Siggi

[Þórlaug (IP-tala skráð) 2.6.2008 kl. 22:38]

Takk fyrir síðast, elsku vinkona! Þetta var BARA gaman  Gangi þér rosalega vel í aðgerðinni. Vonandi fer þetta nú eins og það á að gera!  Hugsa til þín....

Bestu kveðjur í sveitina, Þórlaug og co

[Helga R. Einarsdóttir, 3.6.2008 kl. 21:53]

Gangi þér vel. kv.