Pósturinn

Þegar ég kíkti í póstkassann heima á hlaði á miðvikudaginn sá ég mér til undrunar að mér hafði borist 3 bréf  

Ég opnaði hið fyrsta.  Bréf frá Happdrætti Háskóla Íslands:  Ég hafði unnið í happdrættinu    Vei vei ... já ég vann 15.000 kall og það munar nú um það.  Maður getur allavega endurnýjað miðann í nokkra mánuði fyrir þann pening þó ekki sé meira.

En já þá opnaði ég bréf nr. 2.  Það var frá Lögreglustjóranum á Snæfellsnesi   Hvað var um að vera???  Jú jú ég las bréfið og viti menn.  SEKT fyrir of hraðan akstur   Samkvæmt dagsetningunni var BÓNDINN að keyra.  Já ég keyri auðvitað aldrei of hratt   En sektin hljóðar upp á 10.000 kall EF og aðeins EF ég borga hana þegjandi og hljóðalaust fyrir 2.apríl.  Annars gæti hún verið allt að 20.000 krónur   Djöfusssss vitleysa.  Bíllinn (sem skráður er á mig N.B.) var myndaður í eftirlitsmyndavél á sunnudaginn þann 16. og vorum við þá á leið heim úr fermingarveislu.  Dýr fermingarveisla það... HA HA HA

En þar fór helvítis happdrættisvinningurinn... eða hvað.  Bóndinn borgar þessa sekt nárrúrlega bara og ég kaupi mér eitthvað sniðugt fyrir 15 þúsund kallinn.  Er það ekki sanngjarnt?

En jæja bréf nr. 3 var boð í þriðju fermingarveisluna þetta árið.  Frábært og hafið það nú gott um páskana kæru vinir   

Athugasemdir

[Dabba (IP-tala skráð) 21.3.2008 kl. 19:44]

hahaha godur

[Rannveig Bjarnfinnsdóttir, 22.3.2008 kl. 09:53]

Ja það má engu muna því  hún er á Selfossi og það sést aldrei lögga á Gaulverjabæjarveginum   en svo er auðvitað spurning um að láta KONUNA keyra

En mér finnst rétt að taka það fram að Stefán fór aðeins 6 km/klst yfir leyfðan hámarkshraða og fékk 10 þúsund króna sekt fyrir.  Svo það borgar sig að vera á löglegum hraða gott fólk eins og ég

[Melafrúin (IP-tala skráð) 23.3.2008 kl. 10:21]

Sæl ! Þú þekkir mig nú ekki neitt en ég rakst inn á bloggið þitt af öðru bloggi sem ég rakst á  hjá öðrum og já þú skilur..... vonandi. En allavega vildi vera kurteis og kvitta fyrir innlitið. Já það getur verið fúllt að vera nappaður á oggópónu miklum hraða....hihihi... en já dýr veisla. Hann keyrði - hann borgar. Þú vannst - þú eyðir.

Kvitt úr sveitinni.

[Sandra Dís (IP-tala skráð) 24.3.2008 kl. 20:43]

Já þeir eru öflugir þarna fyrir vestan sko.  Ég fékk einmitt líka svona bréf inn um lúguna á miðvikudaginn, kallinn sem ég sef hjá hafði brugðið sér í Stykkishólm á mánudeginum og viti menn, hann var hirtur á 101 km hraða.  10 þúsund kall takk!!!! 

Ansi er annars langt síðan ég hef séð þig gæskan.........bætum vonandi úr því fljótlega knús S.

[GK, 24.3.2008 kl. 20:59]

Þessi póstkassi kemur út á sléttu. 15 þúsund frá HHÍ - 10 þúsund í sekt - 5 þúsund í fermingargjöf. Kannski hefði bara verið best að gá ekkert í póstkassann...

[Rannveig Lena Gísladóttir, 1.4.2008 kl. 22:03]

Ég fékk svona "gleðibréf" frá lögreglustjóra um daginn....  Það var sko endursent með kurteislegri beiðni um það að þeir rukkuðu bónda minn um þessa sekt... ætlaði sko ekki að hafa hans sektir á mínu nafni    Bóndanum fannst þetta nú óþarfa smámunasemi...