Kem alveg af fjöllum

Jæja þá erum við komin heim úr fjallaferðinni sem tókst svona líka glimrandi vel   Ja fyrir utan þá leiðinda staðreynd að prinsessan á heimilinu er bullandi bílveik á þessum vegleysum sem við fórum.  En að öðru leyti tókst allt vel.  Við höfðum skemmtileg verkefni að leysa á leiðinni sem ein í hópnum var búin að búa til handa okkur og við HELDRI borgararnir í hópnum stóðum okkur með slíkri snilld að annað eins hefur ekki sést í háa herrans tíð   Við þurftum að semja texta og flytja hann, ráða 2 gátur, finna slattann allan af alls kyns hlutum á leiðinni eins og hjólkopp, bjórdós, hundasúru, hvönn, ber, vatn úr jökulá og bergvatnsá og ég veit ekki hvað.  Þetta gerði ferðina enn skemmtilegri og fróðlegri.  Við gistum á Hveravöllum síðustu nótt og komum svo við í Kerlingarfjöllum á leiðinni heim í dag.  Það var nú bara gaman þar sem ég hef ekki komið í K-fjöllin í 17 ár   Það rifjuðust upp hin ýmsu atriði í dag, kvöldvökurnar, skíðaferðirnar og margt fleira skemmtilegt   en ég fór þangað fyrst á skíði í skólaferðalag með Barnaskólanum á Eyrarbakka vorið 1988 og svo aftur með 2 vinkonum sumarið eftir.  Rosa skemmtilegar ferðir og mikið skíðað

Læt fylgja með eina mynd af skvísunni sem er tekin í Kerlingarfjöllum í dag.  Kveð í bili

Rannveig

Ein upprifjun að lokum:  (Óli skans)  Stafinn út, stafinn út.  Stemma beygja rétta.  Í einum kút, einum kút.  Er ég hreint að detta.  Valdi-Valdi-Valdimar!  Voðalega gengur það með vinstri beygjurnar

Komnar myndir úr ferðinni á heimasíðu Sigrúnar

Athugasemdir

[Sandra Dís (IP-tala skráð) 16.10.2006 kl. 19:47]

ómægod hvað var nú gaman hjá okkur í Kerlingarfjöllum hér forðum :-) "Loðmundur á litla snót að vinu, lalalalalal...." o.s.frv. Var þetta ekki einhvern veginn svona???
Knús í sveitina frá mér og mínum
love S.

[Rannveig Bjarnfinnsdóttir, 16.10.2006 kl. 20:27]

Ha ha ha ha ... jú einmitt. Lætur Snækoll fóstra Úrill sinn... ótrúlega flott alveg :o)

Knús tilbage!

[Sigurborg (IP-tala skráð) 16.10.2006 kl. 21:49]

Hæ elskan, rossalea var gaman að hitta þig um daginn, alltaf hægt að missa sig í blaðri, ég stefni svo á heimsókn í næstu viku!!!!
Ég gleymdi alltaf að segja þér (ykkur)að eftir að ég flutti hérna í Grenigrundina eignaðist ég 2 rosa fínar nágrannakonur,,,,,, Rannveigu og Svövu,,,,,, ekki sniðugt:) (mér finnst það alla vega)
Sjáumst í næstu viku!!
Kv. Bogga

[Rannveig Bjarnfinnsdóttir, 16.10.2006 kl. 21:57]

Hí hí jú mjög sniðugt :o) svona eins og í Þolló um árið.