Meira af kettinum

 Ég er með hálfgerðan móral þessa dagana   En þannig er að það er köttur hér á næsta bæ sem er læða og alveg afskaplega vingjarnleg.  Hún fór að venja komur sínar hingað í fyrrasumar eftir að Þuríður og Hafsteinn voru hér í sinni árlegu sumardvöl.  Þau voru að passa Sigrúnu ásamt því að ná í kýrnar út í haga og sinna öðrum skemmtilegum sveitaverkum.   En einn daginn fóru þau heim að þessum bæ og fengu að skoða nokkra kettlinga sem þessi sama læða hafði eignast og þau sáu fljótlega að hún var ansi horuð greyið og virtist ekki fá nóg að eta.  Það voru fleiri kettir á bænum sem ýttu henni bara út í horn þannig að hún fékk minnst af því sem köttunum var gefið úti í hlöðu.  Læðan elti börnin hingað heim og þau spurðu mig hvort ég vildi gefa henni mjólk.  Þau vorkenndu henni svakalega og vildu allt fyrir hana gera.  Hún hændist að þeim og var hér oft part úr degi allan tímann sem þau voru hér hjá okkur.  Þau bjuggu til skýli fyrir hana hér fyrir utan og við gáfum henni mjólk í dall inn í skýlið.  Stundum gaf ég henni skinku og fiskafgang. 

Börnin fóru svo heim til sín eftir rúma viku en kisa hélt áfram að koma hingað til að fá mjólkina sína.  Ég bauð henni litlaputta og fljótlega fór hún að biðja um alla höndina   Hún er ansi frek orðin en Sigrún varð auðvitað strax voða hrifin af henni.  Ég hætti nú í sumar að gefa henni mjólk eða nokkurn matarbita en hún heldur áfram að koma til okkar.  Nú erum við komin með kött sem læðan var nú ekki alveg að sætta sig við í fyrstu.  Hún hljóp á harðaspretti í burtu í fyrsta skipti sem hún sá hann.  Svo fór hún nú að færa sig nær og nær og sá nú fljótlega að þessi myndi nú ekki gera henni neitt.    En ég hef aldrei viljað hleypa læðunni inn því hún á jú heima annars staðar   en ég er samt með móral yfir því að hún situr hér á tröppunum og vill koma inn en ég hleypi henni ekki inn.  Hún hoppar upp í húninn til þess að láta okkur vita að hún sé komin.  Ótrúlegt alveg.  Stundum liggur hún hér þegar við komum heim á daginn.  En nú má bara Kjarkur koma inn en ekki hún.  Mér finnst ég vera vond að hleypa BARA honum inn en ekki henni.    Er maður ekki bilaður? 

    Stjörnuspá fyrir daginn í dag: 

 Ljón: Þú vilt virkilega geðjast þeim er standa þér næst, en ekki reyna of mikið til þess. Þegar þú fylgir sannfæringu þinni, gerirðu aðra glaða.

Skyldi þetta eiga við kettina líka??? 

Athugasemdir

[Helga R. Einarsdóttir, 19.10.2007 kl. 16:37]

Ég myndi bara leyfa öllum að vera inni og jafnvel láta fyrri húsbændur hennar vita að hún sé flutt. Þetta er eins og með börnin - þar sem eitt er fyrir munar engu þó annað bætist við. kv.

[Kolla rauða (IP-tala skráð) 19.10.2007 kl. 16:46]

Ég mundi líka hleypa henni inn, bara setja hanna á p-pilluna svo það verð ekki fjölgun

Kv Kolla

[Benna, 21.10.2007 kl. 01:06]

Já endilega leyfðu litlu rófunni að koma inn, hún á greinilega erfitt uppdráttar á sínu alvöru heimili og sækir þvi í hlýjuna og matinn til ykkar...hehe ég er svo aumingjagóð eða eitthvað að ég gæti barasta ekki neitað hehe....en hérna ertu búin að kíkja á bloggið mitt var að  fá rosalega fallega gjöf er reyndar ekki enn búin að fá hana en það kemur að þvi og það er svo falleg kisulóra hreinræktuð og allt .....er ekkert lítið montin..

[Benna, 21.10.2007 kl. 01:09]

p.s kolla mín ég verð að fara að hringja sorry að ég skuli ekki vera búin að því:)