Vika í þetta

Jæja þá er bara vika í stóra daginn og allir orðnir spenntir    Ja allavega ég svo mikið er víst.  Kallinum var rænt úr vinnunni áðan af nokkrum félugum... Sem sagt steggjagleði framundan.  Ég vona að þeir fari vel með kallinn.  Ég vil fá hann heilann heim

Síðasta herceptin sprautan hefur farið fram og gekk vel að vanda.  Fékk knús og góðar óskir frá hjúkkunum á göngudeildinni.  Svo þarf ég nú að fara á 6-8 vikna fresti til að láta skola lyfjabrunninn.  Ég vil nú ekki storka örlögunum alveg strax með því að láta fjarlægja hann... ég bíð aðeins með það.

Við Stebbi áttum stefnumót í hádeginu (fyrir lyfin) og fengum okkur humarveislu á Laugaási.  Já gamla vinnustaðnum mínum   Frekar fyndið að koma þarna inn.  Þetta er allt eins og það var, sömu stólarnir, sömu borðin, sami matur... ja eða lítið breyttur matseðill en kannski örlítið dýrari  og já sami eigandi sem var á vappinu þarna frammi til að fylgjast nú með að þetta fari nú allt saman rétt fram    Maður fékk nú smá svona Flashback...  En humarinn var rosalega góður og fékk ég hrásalat í svona litla skál til hliðar... ég sá náttúrlega alveg fyrir mér hvernig þetta var allt gert þarna á bakvið.   Gaman að þessu verð ég að segja.

Kveð í bili   

Athugasemdir

[svava (IP-tala skráð) 19.8.2006 kl. 20:02]

Ummm þetta hefur verið skemmtilegt hjá ykkur ekki klikkar humarinn. Já vonandi kemur Stebbi hress heim hehehe...Sjáumst kveðja Svava

[Rannveig Ágústa Guðjónsdóttir (IP-tala skráð) 22.8.2006 kl. 10:25]

Vonandi hefur Stebbi verið hress eftir steggjateitið. Til hamingju með að vera búin með lyfin elskan og gott gengi í lokaundirbúningnum....bestu kveðjur, nafna.