Dagur 3 - punktur!

Jæja þá er ég búin að ferma    heh!!

Þá er þriðja - deginum að ljúka hjá mér á hreinsikúrnum og gengur svona ljómandi vel.  Ég hef reyndar setið á dollunni megnið af tímanum...   nei nei.  Ég fer svo sem ekki nánar út í lýsingar hér en við skulum segja að þetta gangi brilljant vel.  Ég borða núna bara meira af ávöxtum og grænmeti.  Kjúkling í hádeginu og kartöflur.  Speltbrauð í kaffinu og ávöxt.  Nú svo eitthvað létt á kvöldin svona... agalega gott alveg.  Sykurlöngunin er barasta engin hjá mér (ennþá ) og ég skutla í mig lúku af hnetum inn á milli og þurrkuðum ávöxtum aðeins líka.  Háma í mig appelsínu í þessum töluðu orðum. 

Ég var reyndar með mikinn hausverk í dag eftir vinnu.  Gat lagt mig í heila 2 tíma og þá lagaðist ég.  Spurning hvort koffeinið sé að kalla eða hvað.  Nú eru 3 dagar komnir án nokkurs koffeins en svo skrítið sem það er að mig langar ekkert í það.  Fæ mér bara te eða vatn og smá ávaxtasafa af og til þá er deginum reddað.

Læt heyra meira frá mér fljótlega.  Adios mi amigos

Sorry hef aðeins gleymt mér hérna.  Aðgerðinni var frestað hjá mér um a.m.k. viku.  Fer sem sagt að tala við svæfingarlækninn og skurðlækninn á mánudaginn næsta og svo kemur í ljós í framhaldinu hvort ég fari strax daginn eftir í aðgerðina eða þriðjudaginn eftir páska.

Athugasemdir

[Rannveig Ágústa Guðjónsdóttir (IP-tala skráð) 28.3.2007 kl. 11:28]

Vissi það þetta myndi ganga eins og í sögu og hausverkurinn er bara smá fráhvörf frá kaffinu.....það lagast. Góðar kveðjur, nafna.

[Þórlaug, Kiddi og Tómas (IP-tala skráð) 29.3.2007 kl. 12:55]

Hæ elsku vinkona!  Það er alltaf sami dugnaðurinn í þér, ekki að spyrja að því!  Vildi að ég hefði þennan sjálfsaga, en þarf greinilega að taka mitt mataræði í gegn. Tómas minn er ekki að fíla það sem móðirin setur ofan í sig... hmmmm kannski er það helvítis súkkulaðið sem ég er svoooo sólgin í alltaf hreint! Örugglega ekki gott í maga á ungabörnum!

Það er svo geggjað fyndið að lesa bloggið þitt, grenja úr hlátri í hvert skipti!! Þú ert bara snilld!

Við biðjum að heilsa í sveitina og gangi þér vel með þetta allt saman. Þið munið svo að þið eruð ALLTAF velkomin í Skaftahlíðina!

Þórlaug, Kiddi og Tómas

[Rannveig Bjarnfinnsd. (IP-tala skráð) 29.3.2007 kl. 17:41]

Takk fyrir kveðjuna nafna mín :o) Og Þórlaug mín takk fyrir líka. Ég var að gæla við að kíkja á ykkur á mánudaginn næsta þegar ég á að mæta í þessi viðtöl við læknana. Ég ætti að vera laus um kaffileytið vonandi.  Annars verð ég bara í sambandi við þig.