We wish you a merry christmas...

Jæja þá er nú blessuð tengingin hjá okkur komin aftur í lag   búið að vera bilað í 5 daga.  Það endaði á því að við fengum viðgerðarmann frá Emax til okkar og hann kippti þessu í lag á korteri kallinn   Einhver bilun í sendinum skilst mér.  Hvað sem það nú þýðir, heh!!!  

En jæja nú mega jólin bara koma held ég ... mín búin að fá sér rauðvínið með steikinni, Grýlukanilkaffi (sem ég mæli sérstaklega með svona á jólunum... alveg ótrúlegur jólailmur af því og bragðið hreint lokkandi )  nú og búið að leggja lokahönd á jólagjafirnar hér á bæ.  Bara eftir að pakka fáeinum gjöfum inn og þá er þetta komið.  Ég náði að senda jólakortin... vona að þau komi til ykkar fyrir jól  

Auglýsi hér með eftir eiginmanni mínum.  Hef ekki séð hann síðan síðdegis í gær og þá í mýflugumynd.  Hann er eitthvað að stússast í þessum flóðum upp um allar sveitir með BFÁ væntanlega.  Og fylgjast með Ölfusánni eins og hálfur bærinn.  Ja ef það er ekki bílaumferð um Selfossbæ vegna jólanna þá er það vegna flóðanna og fólk að athuga hvort það sé nú ekki eitthvað að hækka í ánni.  Það hlýtur nú að vera komið aðeins meira upp á bakkann núna en fyrir hálfri klukkustund.  Svei mér þá - alla mína daga.

Vona að þið hafið það gott þarna úti í rokinu.  Hér blæs inn um öll hugsanleg göt  og ég held ég þurfi bara að fylla í þau.  Ég meina það!

GLEÐILEG JÓL ANNARS  

Athugasemdir

[Gunnar Helgi Eysteinsson, 21.12.2006 kl. 21:52]

Það er ágætis veður það sem ég bý í Svíþjóð... Annars kvitt

[Stebbi (IP-tala skráð) 21.12.2006 kl. 23:14]

er verið að leyta að mér ?

Ég er kominn heim eftir sund á bæjarhlöðum á skeiðunum

Kv Stebbi  

[Sandra Dís (IP-tala skráð) 22.12.2006 kl. 00:35]

Hva.......ertu búin með rauðvínið???  Og jólin ekki einu sinni byrjuð, hehehe  Hvurt ætlarðu með allt þetta vín??  Nei ég segi nú bara svona. Fegin að sjá eitthvert líf á þessari síðu, var farin að halda að þú værir bara hætt, svei mér þá.  Allt gott að frétta af Bakkanum, sé þig fyrir jól gæska, þarf að skila af mér smáræði

knús Sandra Dís

p.s. gott að Stebbi er fundinn, ég var kominn í bikiníið og ætlaði að fara út að synda/leita að honum

[Þórlaug Þorfinnsdóttir (IP-tala skráð) 22.12.2006 kl. 11:49]

Hæ elskurnar!

Það er alltaf jafn mikil snilld að lesa bloggið:)  Vil óska ykkur öllum gleðilegra jóla!  Hafið það gott yfir hátíðirnar!

Bestu kveðjur, Þórlaug, Kiddi og bumbus