Litla nautið

Fann þessa ágætu lýsingu á barni í nautsmerkinu og svei mér þá ef ég kannast ekki við nokkur atriði þarna sem gætu nú átt ágætlega við hana Sigrúnu mína

Barn í nautsmerkinu er í góðu jafnvægi og einbeitt og tekur sér tíma til að gera hlutina og flýtir sér hægt. Þetta er barn sem skilur og metur ferlið sem slíkt. Barn í nautsmerkinu hefur ánægju af því að hugsa um hluti og sýnir staðfestu í nálgun þess. Raunsæi og að hlutirnir séu raunhæfir er stór hluti af þeirra ákvarðanatöku. Þegar þú útskýrir hluti fyrir barni í nautsmerki þá er alls ekki nóg að segja “þetta er bara svona”. Þetta barn hefur þörf fyrir að skilja af hverju hlutirnir eru eins og þeir eru og hver lógíkin er á bak við reglurnar sem því eru settar, annars getur það ekki fylgt reglunum. Þetta hljómar sem mikil vinna en leiðir af sér vel aðlagað barn í góðu jafnvægi. Annað sem ber að hafa í huga, er þörf barns í þessu merki fyrir snertingu og ástúð. Þú getur aldrei knúsað þetta barn of mikið. Þetta barn er einnig mikið fyrir fjölskyldulíf og er góð húshjálp. Oft er þetta litla aðsoðarmanneskjan þín og vill gera allt eins og mamma og pabbi. Barn í nautsmerkinu er sælkeri og þú getur búist við að það eyði miklum tíma í eldhúsinu við að elda og borða. Nautið er þrjóskt að eðlisfari og mjög erfitt er að fá það til að skipta um skoðun ef það hefur fengið einhverja flugu í kollinn. Annað ríkt einkenni er þolinmæði og þrautseigja sem gerir barn í nautsmerki að góðum námsmanni og sigurvegara.

Já það er margt þarna sem passar við litla nautið mitt  

Athugasemdir

[Elín Katrín Rúnarsdóttir. , 27.7.2007 kl. 16:57]

Þrjóskt, það er það svo sannarlega, ég á eitt naut, hún Carmen Helga mín og þrjóskara barni hef ég ekki kynnst Og henni finnst mjög gaman að knúsa, kyssa og hjálpa til við heimilisstörfin, nú í þessum töluðu orðum situr hún á gólfinu við hliðina á mér og er að leika sér og sönglar 'ég að elda matinn' he he he....en hún er enn of lítil  til að fatta rökræðurnar  Góða skemmtun í kvöld elskan.....ég segi nú bara mmmmmmm nammi namm humar