Komin heim í heiðardalinn...

komin heim með slitna skó   eftir mjög skemmtilegt ferðalag.  Byrjuðum á ættarmóti við Langavatn með öllum Norsurunum.  Það var mjög gaman og vel heppnað í góðu veðri allan tímann.    Svo héldum við á vit ævintýranna á Snæfellsnesi næstu daga á eftir og skoðuðum Arnarstapa, Hellnar, Djúpalónssand, Lóndranga við Malarrif, Ólafsvík, Grundarfjörð og ég veit ekki hvað og hvað.  Fórum síðan til Sibbu söst og co norður í Vesturhóp og fórum þar út á vatn á litlum álbát og mín veiddi nokkra titti     og svei mér þá ég held ég sé komin með veiðidelluna aftur   Ég hafði ekki farið að veiða síðan ég var krakki og fór þá oft með foreldrum mínum og mér fannst það mjög gaman.  Ætli maður fari ekki að grafa upp einhverjar veiðigræjur í kjallaranum og skelli sér út í vatn   Sigrúnu fannst líka frábært að vera úti á vatninu og vorum við hátt í 3 tíma úti á vatninu.   Og svei mér ef Stebbi hefur ekki notið sín líka bara.  Þegar Stebbi fór á sjóinn....

Nú nú nema hvað... svo komum við heim á fimmtudaginn og stoppuðum stutt við heima því við skelltum okkur á Apavatn á föstudaginn.  Við fórum nokkrar í gamla genginu úr Árbæ og vorum fram á sunnudag.  Stebbi stakk okkur af fyrir hádegi á laugardag til að steggja Gunnar Svan vin sinn því við erum að fara í brúðkaup á næsta laugardag hjá honum og Áslaugu.   Þannig að við Sigrún vorum 2 í fellihýsinu allan laugardaginn og um nóttina og það var nú hálf skrítið.   Enginn kall til að grilla ofan í okkur og svona   þannig að ég þurfti að grafa gamla sjálfstæðið upp og barasta sjá um þetta sjálf.  Og gekk það svona glimrandi vel. 

Nú er komin smá pása frá útilegum.  Alla vega þangað til um verslunarmannahelgina og þá er nú spurningin hvert maður fer

Kveð í bili.  R

Athugasemdir

[Kolla rauða (IP-tala skráð) 23.7.2007 kl. 13:10]

Já ég er sammála nú er komin pása frá útilegu þó væri ég alveg til í að halda áfram en maður verður að vinnaEn verðum við ekki að fara safna upplisíngum um góð tjaldsvæði sem eru barnvæn fyrir verslunarmannahelgina annars endum við bara uppi í sumó með foreldrum okkar og dettum í það eins og síðast verðum í sambandi kveðja Kolla.

[Elín Katrín Rúnarsdóttir. , 24.7.2007 kl. 11:40]

Velkomin heim elskan  Hvernig smitast maður af veiðidellu????? Ég á sko allar græjur, vöðlur, skó veiðistöng og alles......vantar bara smá áhuga. Kallinn minn gaf mér þetta allt og það skortir sko ekkert upp á áhugann hjá honum Þetta kemur kannski ef ég fæ einn stóran  En að allt öðru.....klukk,klukk,klukk,klukk,klukk,klukk,klukk.....hlakkar til að skoða klukkið þitt....bara svona að minna á