Nýr garður

Jæja þá eru komnar myndir af garðvinnunni sem fór fram hjá okkur um helgina.  Gömlu beðunum var bara mokað í burtu og settur nýr jarðvegur og búin til ný beð.  Einnig breikkuðum við göngustígana hjá beðunum því við höfum beðin á 2 pöllum núna í staðinn fyrir 3.  Þið getið séð myndir af þessu hér í albúmi merktu Maí 06.  Þetta er þvílíkur munur og miklu snyrtilegra.  Við settum eitthvað af gömlu fjölæru blómunum aftur í (eftir að búið var að saxa verulega af þeim) og svo er bara að sjá hvort þær þoli álagið þegar líður á sumarið.  Blómarósin á myndunum var voða dugleg að hjálpa til en annars á Stebbi heiðurinn að þessu öllu saman     Yndislegur þessi elska.  Enda ætla ég að giftast honum í ágúst, he heh!!  Og stefni að því að fara í mátun nr. 3 í vikunni.  Ætla að panta tíma á morgun.

Annars er komin ný könnun hér til hliðar og væri gaman ef þið tækjuð nú þátt í henni svona til gamans. 

Þið sjáið fleiri myndir ef þið smellið á Athugasemdir hér fyrir neðan en þið sjáið þetta betur í albúminu.  Endilega segið hvað ykkur finnst.

Athugasemdir

[Rannveig Ágústa Guðjónsdóttir (IP-tala skráð) 22.5.2006 kl. 10:27]

Þetta er rosalega flott hjá ykkur í garðinum. Ég er nú samt að spá í að skoða þetta í eigin persónu þegar við förum í fríið! Sjáumst, þín nafna.

[Kristín Þóra (IP-tala skráð) 22.5.2006 kl. 14:04]

Það er allt annað að sjá garðinn eftir hamfarir húsbóndans og heimasætunnar á bænum. Það léttir mikið yfir garðinum að minnka beðin og stækka göngustíginn. Gangi þér vel í kjólamátun 3 og mundu eftir að taka myndir, það er svo gaman að stúdera þær þegar heim er komið. Hlakka til að sjá útkomuna í ágúst. Kv. Kristín